Diyarname

1'emîn Festivala Fîlmên Kurdî ya Zagrosê dest pê kir. Heta dawiya mehê fîlmên bi kurdî online û bê pere têne nîşandayîn.

Festivala Fîlmên Kurdî ya Zagrosê wekî festîvaleke online 1'ê mehê dest pê kir û heta 31'ê mehê 15 fîlmên bi kurdî pêşkêş dike. Sîmon Suleymanî festîlê organîze dike û fîlm bi ser malpera wan re têne pêşkêş kirin. Suleymanî ji amadekirina vê festîvalê wisa gotiye, "Sînema û qadên serhêl (online) ji gelê kurd re di warê hunerê de derfetên berfireh pêşkêş dike. Bi saya torên nûjen miletê kurd ku bi zor û sînoran ji hev hatine parçekirin, dîsa dikare li dora nasname û çandeke hevpar bicive. Ji ber ku ev festîvala serxet sînorên fîzîkî bêwate dike, hemû kurdên cîhanê û her wiha hemĞu kesên ku bi zanda kurdî re eleqedar tîne cem hev.B izimanê gurdûnî yê sînemayê têgihîştineke hevpar û rihê hevgirtinê çêdike."

Suleymanî gotiye bi vê hunermendên kurd dikarin berhemên xwe nîşanî temaşevanên dinyayê bidin û ev yek lê zêde kiriye, "Bi saya ragihandinên bêsinor, şopandina festîvalê li her derverê cîhanê pêkan e. Divê ev festîval ji bo hilweşandina sînorên li ser kurdan hatine ferzkirin wekî amûreke û ji bo yekîtî û yekrêziya kurdan jî wekî pêngaveke bê dîtin."

Di nav fîlmên têne nîşandayîn de fîlmê derhêner Merian Cooper "Grass" ku di sala 1925'an de hatiye kişandin, dîsa fîlmê Hemo Beknezeryan "Zerê" ku 1926'an de hatiye kişandin wekî fîlmê destpêka sînemaya kurdî têne pêşkêş kirin. Ji bilî van 3 fîlmên metrajdirêj hene, "Gênco" (Derhêner Ali Kemal Çinar), "Mûsayê Bê Asa" (Derhêner Aydin Orak) û "Kobanî" (Derhêner Ozlem Arzeba).

Her wiha ev kurtefîlm  "Navnîşan" (Derhêner Aram Dildar), "Welatê Qehremanan" (Derhêner Sahim Omar Kalifa), "Pera Berbangê" (Derhêner Arîn Înan Arslan), "Azad" (Derhêner Yakup Tekintangaç), "Ali Ata Bak" (Derhêner Orhan İnce), "Dibim baran li ser bajêr dibarim" (Derhêner Kasim Ordek), "Mavera" (Derhêner Vedat Oyan) û sê heb jî belgefîlm hene, "Zindan yan sirgûn" (Derhêner Şerif Çiçek), "Kurdistan Kurdistan" (Derhêner Bulent Gunduz) û "Evîn di rûyê qirkirinê de" (Derhêner Şêro Hindê).

Ji bo yên bixwazin li fîlman temaşe bikin lînk:

- FESTÎVALA FÎLMAN A ZAGROSÊ