Diyarname
Êvara 21'ê mehê li herêma dikeve navbera Çinara Amedê û Şemrexa Mêrdînê şewatek mezin derket. Gundiyan di serî de gotin ji ber elektrîkê derketiye, lê rayedarên dewletê û DEDAŞ ku elektrînê li wir saz dike-difroşe înkar kiribû. Îro rapora pêzanan derket. Pêzanên ji Endazyarên Elektrîk, Nexşe û Ziraetê pêk tên gotin: Ji ber elektrîkê derketiye. Li aliyê din hejmara kesên mirine jî derket 15'an.
Va ne agahiyên nû:
- Heta îro hejmara kesên mirine 14 bû, îro hejmar derket 15'an.
Navên kesên mirine: Şehmus Demir, Mazhar Demir, Taliha Demir, Nuri Demir, Rêzan Yilmaz, Azad Yilmaz, Resul Yilmaz, Remzi Yilmaz, Abdurrahman Bugdayci, Ubeydullah Bugdayci, İsmail Yardimci, Sinan Deviren, Kerime Erdenli, Fadil Demir û Zekiye Erdenli.
- 72 kesên şewatê bandor li wan kiribû piştî dermankirinê ji nexweşxaneyê derketin; 2 kes hê li nexweşxaneyê ne.
- 556 sewal telef bûn. 250 birîndar bûn; ew ji bo serjêkirinê şandin Saziya Goş û Şîr a dewletê.
- 120 sewal ji aliyê baytarên çûne herêmê ve hatin dermankirin.
- Li Çinarê 8 hezar û 100, li Şemrexê 7 hezar donim erd zirar dît. Di nav vê de 5 hezar û 450 donim erdê çandî bû.
RAPORA PÊZANAN
- Pêzanên ji 3 kesan pêk tê lêkolîn kirin. Ew 3 kes ji Endazyarên Elektrîk, Nexşe û Ziraetê bûn. Di rapora xwe de wan gotiye ku ji elektrîkê şewat derketiye. Gotine, li dîreka veqetandeka sîgortayê ji dêvla sîgorta hebe têlek ragihîner hatiye pêçan, ev têl qetiya ye, ji ber vê agir bi giyayên li erdê ketiye û bi şida ba re şewat li herêmeke berfireh belav bûye.
Serdozgeriya Komarê ya Çinarê der barê şewatê de lêpirsîn daye dest pê kirin. Ev rapora pêzanan şandine cem dozgerî, lê dozgerî rapor kêm dîtiye û xwestiye raporeke berfireh bê amadekirin.
Vîdeo:
Çend hezar morîk şewitîn?
Fotoy Eyroy
**
Nûçeyên li ser şewatê:
- Bakirhan: Bila herêm wekî 'herêma afetê' bê qebûlkirin
- Konseya Amedê pêşrapora li ser şewatê belav kir; va ye bilanço
- Hejmara kesên mirin derket 12'an; va ne navên wan
.jpg)
.jpg)
