Diyarname
Amedsporê lîstikvan Max-Alain Gradel transfer kir. Gradel ku hindik be jî li Îngilistanê jî lîstiye, ev çend sal bûn li Tirkiyeyê ye.
Max-Alain Gradel di sala 1987'an de li Qeraxa Ajê hatiye dinê. Piştî tîmên jêrîn 2006'an wekî lîstikvanekî profesyonel dest bi lîstikê kiriye. Li Îngilistanê li Leicester City, Gradel, Leeds United lîstiye. Li hin tîmên Ewropayê lîstiye, serdema wî ya Tirkiyeyê di sala 2020 de bi Sivassporê dest pê kiriye ku heta 2023'yan li wir bû. Dûre hatiye Entabê û îsal jî hatibû Sakaryayê lê niha hat Amedsporê.
Gradel ku lîstikvanekî navenda sehayê ye, li aliyê çepê yê sehayê dilîze. Wî di serdema profesyoneliya xwe de, ji 2007'an heta niha 479 maç lîstiye û 111 gol avêtiye. Li aliyê din di 113 maçên Tîma Neteweyî ya Qeraxên Ajê de 13 gol avêtiye.
Îro ew beşdarî Amedsporê bû û di menasima îmzeya ku Serokê kLûbê Aziz Elaldi jî lê amade bû de peyman îmze kir.