Diyarname
Li bajaroka Xanesorê ya Şengalê ji aliyê Yekîtiya Jinên Ciwan ên Şengalê û Yekîtiya Ciwanên Êzdîxanê ve pirtûkxaneya Şehîd Vejin hate vekirin. 
Berî vekirinê li ser navê ciwanên Êzidîxanê Berekat Şengalî axivî û da zanîn ev cara yekemîn e li Şengalê ji bo pêşxistina zanebûna ciwan û tevahiya civakê pirtûkxaneyek tê vekirin û wiha berdewam kir: “Me wekî ciwanên Êzidî di çarçoveya rêxistinkirina ciwanan de ev xebat pêşxist da ku ciwanên me karibin bêtir xwe zane bikin û dîroka xwe nas bikin.”
‘Ji bo em xwe biparêzin pêwîst e em xwe zana bikin’
Berekat Şengalî destnîşan kir ku ji bo ew karibin rê li ber fermanan bigirin û xwe ji fermanên nû biparêzin pêwîst e xwe zane bikin û got: “Eger em xwedî zanebûnbûna ew qas ferman bi ser me de nedihat. Li Şengalê niha di aliyê xwe rêxistinkirinê de gelek pêşketin çêbûne û gelê me êdî dikare xwe biparêze û birêve bibe."
Di pirtûkxaneya Şehîd Vejîn de pirtûkên derbarê dîroka êzidiyan, pirtûkên çandî-civakî, siyasî û pirtûkê Ocalan jî heye.
Ji Rojnewsê hatiye girtin