Diyarname
Bi namey "Vateyê Verênanê Çêrmûgî" kitabêke newe veciya ke tede vateyê verînan ê hetê Çêrmûge estê. Kitap hetê Cevat Yildizî ra hamew hedrekerdişî û Weşanxaneya Nûbihare de çap biyo.
Di miyanê heme miletan de vateyê verînan estê û wayirê qîmetî yê. Miyanê kurdan de jî. Heta neka bi kurmancî zî, bi kirmanckî jî zehf kitabê serê vateyê verînan de hameyê çapkerdişî. Bi kirmanckî (zazakî) eno het de tay kitabî hamey çapkerdişî. Enka yewo bîn ro înan bî zede. Eno kitab serê vateyê verînanê hetê Çêrmûgî de wo. 
Cevat Yildiz ke kitab kerdo hedre vano ke qeybî komkerdişê vateyê verînan ew dew bi tew geyra wo, merdiman ra pers kerdo û ê qeyd kerdê.
Vateyê verînan qeybî miletan zey xizîna yê, enî vatey rey danê vernî însanan, çiyan mocnenê înan. Qeybî merdim baş fam bikero zî gere merdim bi famkerdişî bawno înan ra. Cevat Yildizî kitab de vernî de vateyke nişto û dimara zî ew vate yeno çi maney şirove kerdo. Bi eno awa kitab de 552 vatey verînan hamey vilakerdişî.
Peynî kitabî de zî ferhengêke hamew hedrekerdişî.

- Vateyê Verênanê Çêrmûgî / Cevat Yildiz / Nûbihar / Folklor / 85 rîpelî / 2024