Diyarname
Li bajarê Nashville, paytextê eyaleta Amerîkayê Tennesseeê, ku nêzîkî 20 hezar kurd lê dijîn, êdî nanê tenûrê jî tê lêxistin û firotin.
Li marketeke bi navê Newroz ku nêzîkî balafirgehê ye jî, kurdên ku di salên 70'yî de ji ber Sedam Hisên û zulma wî reviyabûn, êdî nanê tenûrê û sêlê lê dixin.
Xwediyê Firinê Mehdî Misto li ser pirsa "Nan çiqasî giring e?" wisa bersivê dide, "Nikarin bê nan bijîn." Misto dibêje ku divê jin nanî lêxin, gava ku muşterî tên û dibînin zilam nanî lê dixe, ew diçin û nanî nakirin.
Kanala CBS Newsê li ser nanê tenûrê nûçeyeke çêkir û dibêje ku yek ji kevintirîn nan e ku vedigere heta berî 4000 salan.
Dîsa wekî li Kurdistanê, jinên kurd nanî tenê bi av, hevîrtirş, xwê û ardî çêdikin û tu tiştekî din lê zêde nakin.
Cemîla Hadî ku 11 salî bû hînî lêdana nanê tenûrê bûye, mehê carekê yan du caran diçe nanî lêdixe. Hadî bi ken û bişirîn dibêje, "ez jê hez dikim."
Kurdekî din li ser vê dibêje, "Em hîs dikin ku em li Kurdistanê ne gava ku em vî tiştî dikin."
***
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.
***
.jpg)
.jpg)
.jpg)
