Diyarname
Tîma fûtbolê ya Şaredariya Bajarê Mezin a Amedê (DBB) niha li Kartepeya Îzmîtê, di kampê de amadehiya ji bo sala nû dike. Roja 15'ê mehê di bin pêşengiya şirovekarê sporê Bagiş Ertan de komek rewşenbîrên di nav wan de şirovekar, antrenor, muzîkar, weşanger, nivîskar, şanoger hebûn çûn serdana DBB'ê (Diyarbakir Buyukşehir Belediyespor).

Serokê Klûbê Metin Kilavuz, antrenor û lîstikvanên DBB'ê pêşwazî li mêvanên xwe şirovekar Bagiş Ertan, karîkaturîst Ender Ozkahraman, muzîkar Gokhan Tumkaya, Birol Namoglu, Savaş Kiliç, Mustafa Ozturk, aşpêj Ugur Baran Yagmurlu, weşanger Can Oz, nivîskar Hakan Yel, Dogu Yucel, karsaz Ozcan Cezar, komedyen Alpay Erdem, şanoger Emre Cingoz, antrenor Çaglar Sarihan kirin.

Kilavuz li ser klûba xwe, tîmên herêmê, nêzîktêdayîna çapemeniyê ya ji Stenbolê lênêrîna li Amedê axivî û agahî da mêvanan. Kilavuz kêfxweşiya xew ji bo hatina mêvanan anî ziman. Kaptanê tîmê Erhan Eren jî got ku digel ew wekî lîstikvanên pirofesyonel dilîzin jî di gelek maçên deplasmanê de ji ber ku ew tîma Amedê de rastî heqaretên tên.
Forvetê tîmê Hakan Akman (ji Samsunê ye) got ku ew dilxweş e li Amedê dilîze û diyar kir ku li hemberî Amed û gelê wê pêşdaraziyeke heye.

Heyeta hatibû serdena DBB li Stenbolê di "Gazoz Lîgî" de cih digire. Heyetê ûtîma DBB bi hev re maçeke dostaniyê lîst. Serokê Klûbê Kilavuz hakemî kir.

Lîg 9'ê mehê dest pê dike

Di vê navberê de Tîma Fûtbolê ya Şaredariya Bajarê Mezin a Amedê di Lîga Sêyemîn a Tirkiyeyê de dilîze. Maçên vê lîgê di 9'ê meha rezberê de dest pê dikin. DBB maça xwe ya yekemîn roja 9'ê mehê saet 16.30 de bi Kayseleri Şeker re dilîze.

Ji malpera klûbê hatiye girtin