Diyarname
Di salvegera komkujiya Geliyê Zîlanî de li ser Geliyê Zîlanê pêşangeheke vedibe. Amadekarê pêşangehê Nîhat Gultekîn e.

Nivîskar û lêkolîner Nîhat Gultekîn ev bi salan e li ser Geliyê Zîlan dixebite. Di vê xebata xwe ya lêkolînî de wî heta niha çend pirtûk li ser komkujiya Geliyê Zîlan amade kirin û derxistin. Ji bilî van, ji ew hevdîtinên xwe belgefîlm amade kirin û weşandin. Niha jî pêşangeheke li ser vedike.
Pêşangeha ku Nihat Gultekînî amade kiriye û kuratoriya wê Şerif Yaşar kiriye, roja 28'ê mehê li qata jorîn a Weqfa Îsmaîl Beşîkçî ya li Stenbolê dê bê vekirin.

'GELIYÊ ZÎLAN AXA ŞÎNÊ YE'
Di pêşangehê de gelek wêneyên şahidên vê komkujiyê hene. Amadekaran li ser pêşangehê wisa gotiye, "Ev pêşangeh ne tenê li ser wêneyan e. Her rû, her xêz, her qerçûmek
şahidiyek e. Geliyê Zîlan ne tenê geliyek e, ew di heman demê de qîrînek bêdeng e, welatek (axeke) şînê ye."
Pêşangeh 28'ê mehê saet 15.00'an de bi merasimek wê bê vekirin û du hefteyan wê vekirî be.

PIRTÛKEK NÛ
Nihat Gultekîn ku heta niha çar pirtûk derxistibûn, di çarçoveya vê xebata xwe ya lêkolînî de pirtûkek din jî derdixe. Pirtûka ku bi navê "Gotin Sar Bû, Şahidên Geliye Zîlan 1930" hatiye amadekirin vê hefteyê ji Weşanên Dozê derdikeve û ewê jî li pêşangehê bê belavkirin.