Şirnex
Şaniya Ciwanan ku ji aliyê Şaredariya Şirnexê ve tê lidarxistin îro dest pê dike û heta sibê dê bidome.

Ji bo ciwanên ku dê bikevin OSS'ê, berî vê yekê ji bo stresê ji ser xwe bavêjin tê li dar xistin.
Şaredarê Şirnexê Ahmet Ertak got ku perwerdehî rêya ronîbûn, zanebîn û medenîbûnê ye û wiha dom kir: "Her çiqas ciwanên me bi zimanê xwe nexwînin jî em hêvî dikin di demên pêş de dê bi zimanê xwe yê dayikê bixwînin. Bi vê çalakiyê em dixwazin ew stresê ji ser xwe bavêjin. Di panela 'Ciwan tên cem hev û xwe û bajarê xwe nîqaş dikin' de jî dê li ser pirsgirêkên xwe û bajarê xwe nîqaş bikin."
Her wiha Ertak da zanîn ku ew li bendê ne ji derveyê Şirnexê, ji Cizîr, Silopî, Kercewsê û Bêşebabê ji ciwan beşdarî çalakiyan bibin.

Bernameya çalakiyê

Di 10'ê mehê saet 10.00 de li Salona Konferansê ya Şaredariyê parela 'Ciwan tên cem hev û xwe û bajarê xwe nîqaş dikin' li dar dikeve. Di panelêde pisporê pedagojiyê Celal Temel, Şaredarê Sûrê ye ji kar hate girtin Abdullah Demirbaş, Mebûsê Şirnexê Hasip Kaplan û ji Genç-Der Firat Bilir wekî axifger beşdarî panelê dibin.
Saet 19.30'yan de jî Koma Şanoyê ya Şaredariya Bajarê Mezin a Amedê dê lîstika xwe "Mala Extiyaran" pêşkêş bike.

Di 11'ê mehê de jî êvarê saet di navbera 17.00-23.00 de dê konsereke li dar bikeve. Di konserê de Koma Agirê Jiyan, Burhan Berken û komên  herêmî  Koma Evina Botan, Koma 92 dê stranên xwe pêşkêş bikin.