Diyarname
Kovara hunerî, çandî û lêkolînî ya kurdên Anatoliya Navîn wekî kovara demsalî weşana xwe didomîne. Kovarê niha hejmara xwe ya 93’yan derxist.
Di vê hejmara Bîrnebûnê nivîsên cuda cuda wekî gotar, lêtolîn, hevpeyvîn, çîrok û helbest belav kirine.
Demek berê hevkar û yek ji avakarên kovarê Dr. Mem Xelîkan û kedkarê Weşanxaneya APEC’ê Mecît Çîfüçi miribûn. Redaksîyona kovarê di vê hejmarê de li ser wan daxuyanî daye û gotiye: “Dr. Mem Xelîkan, welatparêz, xebatkarê zimanê kurdî, şaîr û nivîskarekî kovara Bîrnebûnê yê bi qîmet. Ji destpêka derketina kovarê heta dawî yek ji hevkarên herî aktîv bû. Di 21’ê tîrmehê 2025’an de çû ser dilovanîya xwe. Mecît Çiftçî: Di sala 1985’an de wekî penaber hat Swêdê û ji 1988’an heta roja nexweşbûna xwe di çap û Weşanxaneya APEC’ê de kar dikir. Xebat û kedeka wî ya mezin di weşandina gelek kitêbên kurdî û kovara Bîrnebûnê de heye. Yek ji endamên damezrîner ê Weqfa Kurdên Anatoliya Navîn bû. Di 19’ê Gulanê 2025’an de çû ser dilovaniya xwe.”
Ji nîvîsên vê hejmarê; Hanefi Celeblî li ser îskana malbateka sêfkî, bi sernivîsa “Îskana malbateke Sêfkî ji Husnu Mansur ber bi Anatoliya Navîn” nivîseke nivîsiye, pirtûka Necip Şahin ku di sala 1978’an de bi navê “Bir Kabile Ailesinin Teruümei Hali ve Necip Şahin'in Hatırati” daye nasîn û şirove kiriye.
Belavkirina xebata Mem Xelîkan ku berê amade kiribû bi sernivîsa “Kilamên me-XVII kilama Eskero Yaro” didome. Di vê nivîsê de serpêhatîya vê kilamê û her wiha kilama ku hatiye gotin ji arşîva Serbulent Kanat wergirtîye û nivîsîye.
Uskê Cimik jî gotûbêjek bi Hacî Akman re li ser bîra kurdî kirîye.
Ji bilî van, Hızır Akbina, Şukru Derîn, Uskê Cimik, Bêrîvan Keskîn, Mistoyê Heco, Mehtab Îdelî, Xoyretînê Mihemmedî Seîd, Muzaffer Ozgur, Salih Bozan, Halîl Mîrzan Kuçukyildiz û Prof. Dr. Haci Akman bi nivîsên xwe; Rojan Enes, Kubra Uludag, Xizan Şîlan û Dîlan Şewqî jî bi helbestên xwe di vê hejmara kovarê de cih girtine.
Ji bo têkilî:
www.birnebun.eu