QAMIŞLO
Dîwana Wêjeyê bi hevkariya Weşanên Şilêr bi şahiyekê pirtûxaneyek li Tirbespiyê vekir. Pirtûkxane bi navê şehîd Dilşa Xebat û Dr. Mahsûm Tirbespiyê hat vekirin.

LI HER BAJARÎ VEKIRINA PIRTÛKXANEYAN
Di şahirtûkxaneyê de rêvebera pirtûkxaneyê Hebûn Ehmed axivî û diyar kir ku vekirina vê pirtûkxaneyê xwedî derketina li keda şehîdan e û got: “Weşanên Şilêr û Dîwana Wêjeyê, dê li her bajarekî pirtûkxaneyekê veke. Hêvîdar im ku ev yek bibe bingeh ji bo pêşxistina zanînê û rolekê di avakrina nifşekî nû de bilîze. Me xwest bi rêya vê pirtûkxaneyê bibin bersiv ji keda şehîdan re.”
Ji rêveberên Dîwana Wêjeyê ya Bakur û Rojhilatê Sûriyeyê Ceger Efrîn jî got ku şoreş bi çekê tê kirin û civak bi wêjeyê tê avakirin, civaka ku bê wêje be ew civak bê rih e.

'JI BER TIRSA REJIMÊ ME BI KURDÎ NEDIKARÎ BIXWÎNIN'
Nivîskar Ronak Murad jî got: “Di demeke herî zehmet de me li vî bajarî ji ber tirsa rejîmê nekarî xwendina bi zimanê dayikê bikin, lê îro vekirina Pirtûkxaneya Şehîd Dilşa û Şehîd Masûm, ji bo min gelekî bi wate û bi nirx e.”
Ronak Murad banga xwedîderketina li reseniya herêmê kir û wiha got: "Gelek tişt li ser kurdan têne nivîsandin. Hin ji wan dibêjin kurd hebûn û hin ji wan dibêjin tune bûn. Em ji her kesî re dibêjin em hene, em li ser vê erdê ne û koka li vê erdê çandiye. Girê Moza û Hemo Kar şahidên me ne. Divê em li rastiya xwe vegerin û zanebûna xwe pêşbixin, ji bo em karbin bibin bersiv ji her kesê ku mafê binpê dike."

'EV DÊ BIBIE ÇANDEK DI NAV GEL DE'
Bi navê Meclisa Bajarê Tirbespiyê Mizgîn Lezgîn jî axivî û diyar ku vekirina vê pirtûkxaneyê dê bibe cihê lêkolîn û xwendinê û bibe çandek di nav gelê me de.
Piştre deriyê pirtûkaxaneyê ji hêla dayikên şehîd Dilşa û şehîd Mahsûm ve hate vekirin.
Di dawiyê de stran ji aliyê koma Şehîd Bawar a Tirbespiyê ve hatin gotin.
ANHA