Stenbol
Der heqê hunermend Bulent Ersoy ku di programek taybet a televîzyonê de li ser operasyonê got; "Zarokek min hebûya, min nedişand vî şerî", lêpirsîn dan destpêkirin.

Dozgerê Komarê yê Serdozgeriya Komarê ya Bakirkoyê Alî Çakir der heqê hunermend Bulent Ersoy de bi hinceta ku 'dilê gel ji leşkeriyê sar kiriye', lêpirsîn da destpêkirin. Hate gotin ku Dozger Çakir kaseta gotinên Ersoy tê de ne ji televîzyonê xwestiye. Dozger piştî ku li kasetê temaşe bike, wê biryar bide ka doz veke an na.

Ebru Gundeş, Orhan Gencebay, Armagan Çaglayan û Bulent Ersoy di programa 'Pop Star Alaturka' ya di televîzyonek taybet de tê weşandin de endamên juriyê ne.
Di beşa şevê din de gotin hatibû ser operasyonê û Ersoy di vê mijarê de ev nirxandin kiribûn: "Temam, welat parçe nabe, nizanim çawa nabe, lê bila dayik van zarokan bînin û bi destê xwe bispêrin axê. Yanê ev e? Ez mîna we nizanim ku zarokek çi ye. Ez ne dayîk im, ez ê nikaribim bibim jî. Lê ez wekî mirov, nikarim fêm bikim ku dilê wan dayikan çawa dişewite. Lê dayik fam dikin. Ez nikarim ji bo evîna şerê ser maseyê zaroka xwe bidim. Lîstekek tê lîstin û em dibin pêlîstoka wan."
Kesên li salonê jî bi çepikan piştgirî dabûn axaftina Ersoy.
Di heman bernameyê de Ebru Gundeş jî gotibû ku zarokê min çêbe ezê bişînim leşkeriyê.