Diyarname
Pêşbaziya Dêran ay Eurovisionî ke welatê Ewropa virazenê bernamey serey vernî ma hame eşkerakerdişî. Serey 2026'inan de Bulgaristan, Romanya û Moldova reyna kunê miyan, bi eno awa eşkera bî ke 35 welatî go şorê Eurovision 2026.

Eurovision 2026 go paytextê Avusturya Viyana da bêro viraştişî.  5 welatan waştê Îsraîlî miyanê pêşbazî ra bêro vetişî, la eno waştişê înan niyame qebûlkerdişî. Îzlanda, Îrlanda, Hollanda, Slovenya û Spanya vat bî Îsraîlî bigîrê miyanê pêşbazî go ê boykot bikerê. 

Emsar Baeslê Swîsre de pêşbazî viraziya bû û 37 welatî tede bî. Avusturyara hunermed JJ bi dêrey xwu “Wasted Love” bibî yewîn. 

Dîrektorê Eurovisionî Martin Green vat, "Pêşbaziya Dêran Eurovision xwu kena hedre ke serey xwu ya 70'yinan pîroz bikero. Ma vînen ke ene organîzasyone vengan, çandan, ziwanan û muzîkî ana têhete. Dinyayeke zehmet de ma nîşan danê ke dinyayeke baş e mimkûn a."