QAMIŞLO
TEV-ÇAND'ê ji bo bibîranîna Mihemed Şêxo êvara 8'ê mehê li ber navenda bi navê wî ya li bajarê Qamişloyê mûm pêxistin. Sibe jî dê merasîma bibîranînê were lidarxistin û serdana gora wî bê kirin.

9'ê adarê roja 37'emîn salvegera mirina hunermend Mihemed Şêxo ye. Tevgera Çand û Hunera Demokratîk a Mezopotamyayê (TEV-ÇAND) ji bo bibîranê li ber Navenda Çand û Huner a Mihemed Şêxo ya li bajarê Qamişloyê çalakî li dar xist. Hunermendêh TEV-ÇAND'ê di çalakiyê de stranên wî gotin û mûm pêxistin.

9'ê mehê saet 12:00'an de jî Yekîtiya Hunermendên Cizîrê û Navneda Çand û Hunerê ya Mihemed Şêxo li heman navendê merasîma bibîranînê wê li dar bixe. Di heman demê de wê şêniyên bajarê Qamişlo, dost û hevalên Mihemed Şêxo, rewşenbîr û nivîskarên li herêmê serdana gora wî ya li Goristana Hilêliyê bikin.

Hunermend Mihemed Şêxo di sala 1948'an de li gundê Xecokê yê girêdayî bajarê Qamişlo hatiye dinê. Mihemed Şêxo li nav temamê kurdan xwedî cihekî taybet e. Bi dehan stran wî bi xwe nivîsandine û pêşkêşî raya giştî kirine. Ew roja 9'ê adara 1989'an li Qamişloyê mir û cenazeyê li wir hat definkirin.