Diyarname
Di maçên Dora 32'yan de Îngilistan û Komara Kongoya Demokratîk hatin hemberî hev. Di maça ku Kongo bi golek bi pêş ket de kaptanê Îngilistanê Harry Kane di 15 deqîqeyên dawî de bi 2 golan tîma xwe rizgar kir.

Komara Kongoya Demokratîk piştî sala 1974'an cara yekê ye beşdarî Kûpaya Cîhanê dibe. Her ku Îngilistan e ev 60 sal in nekariye Kûpaya Cîhanê bi dest bixe. Her du tîm bi hestera kûpayê di Dora 32'yan de hatin hemberî hev.
Kongoyê di deqîqeya 7'an de bi golek derket pêş. Mbemba pasek dirêj bo Brian Cipenga şand. Wî bi lingê xwe yê rastê bi xid lê da û gog çû ket nava torê.
Heta deqîqeya 75'an Îngilistanê nekarî bersivê bide. Di vê deqîqeyê de Kane derket ser dikê û encama wekheviyê anî. Îngilistan êdî hê zêdetir bi xwe bawer bû û vê yekê di deqîqeya 86'an de bi golek xweş a Kane encam da: 2-1.
Bi vê yekê Îngilistan derbasî Dora 16'an bû. Her ku kaptan û golavêj Kane ye, bi van her du golan di Kûpaya Cîhanê ya îsal de ew jî wekî Mbappe û Messi bû xwedî 6 golan. Piştî wan Haaland û Dembele bi 5 golan tên.

Belçika 120'î de ji îdamê rizgar bû
Yek ji maça bi heyecan a rojê jî di navbera Belçika û Senegalê de bû. Senegal hê di deqîqeya 247an de bi gola Habib Diarra bi 1-0 derket pêş Deqîqeya 51'3e de bi Ismail Sarr encam bir 2-0'ê.
Belçîkayê nedîkarî tiştek bike. Hemû êrîşên wê bê encam diman. Her kesê temaşe dikir dê bigota Senegal bi ser dikeve, lê futbol tiştek ecêb e. Belçîkayê deqîqeya 86'an de bi gola Romelu Lukaku lembeya hêviyê pêxist.  Û piştî vê bi 3 deqeyan bi gola Youri Tielemans rih kete wê.
Maç bi 2-2'yan bi dawî bû. 30 deqîqeyên zêdek dest pê kir. Deqe 120, yanê maç wê xilas bibe. Her kes li bindê ye bi penaltiyan wê serketî diyar bibe, lê na, Belçîkayê deqîqe 120'î de penaltî bi dest xist û Tielemans encam diyar kir: 3-2. 
Bi vê encamê Belçika derbasî Dora 16'an bû û bû reqîbê DYA'yê.

DYA ARAM BÛ
Di maça din a rojê de DYA û Bosna Hersek hatin hemberî hev. DYA bi 2-0 bi ser keti û ji bo Dora 16'an silav bo Belçîkayê şand.

MAÇÊN ÎRO:

2 Tîrmeh, Pêncşem:
Spanya - Avusturya, Stada Los Angeles, 22.00

3 Tîrmeh, În:
Portekîz - Xirvatistan, Stada Toronto, 02.00
Swîsre - Cezayîr, Stada BC Place Vancouver, 06.00

 

 

DIBE EV NÛÇE-NIVÎS BALA WE BIKIŞÎNIN:

- Paraguayê panzêr pelixandin û got: Cihê we li vir tune ye!

- 49 mîlyon kesî nikarîn bi 438 hezar kesî!

- Maçên koman temam bûn; Va ne yên serketî, yên xeyalşikên, notên giştî

- Diyarnameyê ji Grokê pirsî, wê di Kûpaya Cîhanê kîjan welat bi ser bikeve?
 Ji Messi dîrokeke nû: Di Kûpaya Cîhanê de kesê herî zêde gol avêtin

- Jê bawer nekin lê dîsa jî vê nûçeyê bixwînin

**

- Swîsreya bê marş, çar ziman û golên wê yên li Kûpaya Cîhanê

- Mêrxas Doskî yê kurd û sê golavêjên din

- Goga Lingan û Serê Hz. Huseyîn

- Şeva lîstikvanê kurd Denîz Undav a di Kûpaya Cîhanê de

- Ji bo cîhanê goga lingan, ji bo kurdan gef û gur û fişarên tirkan

 

****

Ji bo temamê maçên rojê:
- Roj bi roj maçên Kûpaya Cîhanê (temamê lîsteyê)

 

**

Rûpela Taybet a Kûpaya Cîhanê:
- KÛPAYA CÎHANÊ 2026