Diyarname
Hûn ji kemana xwe gelek hez bikin û winda bikin hûnê çi bikin? Ger ajorekî wê bibîne û bîne bide we. Vaye çîroka kemanê:

Li Dallasê muzîkarekî piştî ku ji konserê vedigeriya mala xwe kemanê xwe di texsiyekê de winda dike, bi gotineke din ji bîr dike. Keman jî keman e: Yanê bi çar mîlyon dolarî.
Yê ku kemanê xwe winda kir kemanjen Philippe Quint ku di heman demê de berendamê Xelata Grammy ye, yê ku keman dît û anî teslîmê xwediyê wê kir jî ajokarekî texsiyê ku li Balafirgeha Navneteweyî ya Newart Liberty dixebite.

Ajokar Mihemed Xelîl ku ji Misrê ye keman dît û roja din teslîmê xwediyê wê kir. Quint 100 dolar û madalyaya rûmetê ya Bajarê Newarkê wekî xelat da Xelîl, lê fikirî ku ev ne bes e. Xwest jestek bike. Berê xwe da rawestgehê. Li rawestgehê ajorakên rawestgehên hatin cem hev û Philippe Quintî konsereke taybet pêşkêşî wan kir. Konser 30 deqîqe berdewam kir. Kemanjen gihîşt kemana xwe, ajokar jî dibe ku yekem car li dengê kemana yekî berendamê Xelata Grammy guhdarî kir.
Û mêze kir ev yek jî têr nekir, Xelîl û malbata wî vexwend konsera xweya li Carnige Hallê ku dê di 23'yê rezberê de pêşkêş bike.

Û çend agahî jî li ser kemanê:
Keman 285 sal berê hatiye çêkirin (1723 Kiesewetter Stradivarius). Keman ji aliyê Antonio Stradivari e îtalî ve hatiye çêkirin û di sedsala 18'an de ji aliyê bestekar û kemanjen Christophe Kiesewetter ve hatiye bikaranîn. Ji bo kemanê dibêjin ku buhaya wê 4 mîlyon dolar e. Di sala 2006'an de xwediyên kemanê Clement û Karen Arrison ew bi kirê dabûn Quint.

Û dîtinên Philippe Quint ên piştî windakirinê:
"Ez nikarim rewşa xwe bînim ziman. Ez wekî dînan bûm. Serê sibê ez wekî dînan bi vir û wir de geriyam. Ajokarê texsiyê dema di texsiyê de kemanê dibîne li îdareya gumrikê ya New Jersî digere. Herhal nedizanî keman çiqas buha ye."

Ji The Age hatiye berhevkirin