Hevserokên BDP'ê Demirtaş û Kişanak, Hevserokên KCD'ê Turk û Tugluk li ser peyama Ocalan axivîn.

Vane gotinên hevserokan:

- Hevserokê BDP'ê Selahattin Demirtaş:
We şeref da qada azadiyê. Îro peyama herî xurt hat dayîn. Em bi piştgiriya hemû gelê xwe li pişt vê pêvajoya aştiyê ne. Em ji bo destê Birêz Ocalan ê aştiyê li hewa nemîne çi bar bikeve ser milê me em dê bikin. Bi sedsalan e ev axa hesreta aştiyê ye. Îro di Newroza 21'ê Adara 2013'yan de heviya me ya aştiyê dîsa şîn û geş bû."

- Hevseroka BDP'ê Gultan Kişanak:
We ji bo mafê xwe di ber xwe da û ber bi azadiyê ve meşiyan û we ev roj ava kir. We berxwedana me pêş xist. Gotina we tevan îro Serokê Gelê Kurd Birêz Ocalan got. Li ser navê ciwan, jin, gelê kurd got. Em dê ji bo pêdiviya vê sozê bêtir têbikoşin. We îro li vir dîrok nivîsand û hûn bûn şahidê dîrokê. Gelê Amedê û Kurdistanê ji bo vê pêvajoya nû amade ye. (Girseyê bi yek dengî got erê). Ji ber vê yekê lazim e em bi hev re bimeşin û heta dawiya emrê xwe ji bo aştiyê û çareseriyê û azadiyê û pêşeroja yekîtiya azad bimeşin. Em soz didin gelê Amedê û Kurdistanê ku em heta dawî bi hev re bimeşin.

- Hevserokê KCD'ê Ahmet Turk:
Newroza gelê kurd û gelê Amedê pîroz be. Di dîroka me ya Rojhilata Navîn de Newroz rojek bi rûmet e, rojeke nû ye, diruşmeke nû ye, roja azadî û berxwedanê ye.
Gelê Kurd ji bo aştiyê xebat û hewldaneke mezin dide. Rêya Ocalan rêya me ye. Siyaseta wî siyaseta me ye.

- Hevseroka KCD'ê Aysel Tugluk:
Em naxwazin tiştekî bêjin. Dem dema siyasetê ye. Dem dema berxwedana gelê kurd e. Dem dema siyaseta deomkratîk û pêvajoyek nû ye. Îro peyamek ji Îmralî û Ocalan hat. Ev peyam manîfestoya azadî, biratî û aştiyê ye. Ev bang ne tenê ji bo kurdan e. Ev bang ji bo hemû gelan û nasnameyan û baweriyan e. Ev bang ji bo azadiya hemû nasname û nirxan e. Mezinatiya herî mezin ev e. Em vê peyama wî silav dikin. Em heta dawî li pey bang û peyama Birêz Ocalan in. Êdî aştî teqez lazim e. Ji bo em aştiyê diyarî gelan bikin ev deynê situyê me ye. Em dê li ser vê axê aştiyê geş bikin.
Ocalan ji bo ev pêvajo pêş bikeve gavên pêwist avêt. Lê ji bo ev pêvajo pêş bikeve lazim e aliyê din jî gavan bavêjin. Pirsgirêk ji înkar û îmhayê dest pê kir. Ziman, nasname, çanda me hat qedexekirin. Îsyana me ji ber vê yekê bû. Ji bo pirsgirêk çareser bibe divê nasname, ziman û çanda me qebûl bibe. Em çiqas mezopotamyayî bin em ew qas anatoliyayî ne. Em dikevin nava pêvajoyek nû ye. Ev pêvajo pêvajoya têkoşînê ye. Werin em bi hev re ji bo aştî û demokrasiyê lêkolînan biqîrin. Em hemû qadan bikin qada Tahrîrê. Wê demê em dê karibin aştiyê bi ser bixin. Em bang li hemû gelê xwe dikin ku li aştiyê xwedî derkevin.
Em bawer dikin ku dê li ser vê axê aştî û azadî bi ser bikeve. Em bawer dikin ku em dê azad bibin û bi ser bikevin. An azadî an azadî."