Diyarname

Belgefîlmê bi navê "Mazgal" ê li ser kuştina 10 girtiyên li Girtîgeha Amedê hatiye kişandin, li Stenbolê bi nîşandayîneke taybet derdikeve pêşberî temaşevanan. Nîşandayîn 11'ê vê mehê roja pêncşemê, saet 19.30 de li Garaj İstanbul e.

Çîroka bûyerê: Di 24.09.1996'an de girtiyên ku ji bo çûyîna hevdîtina malbatên xwe ji menzelan (qowîşan) derdikevin, dema digihîjin ber deriyê menzela 35'an, ji bo tiştên malbatên wan anîne bixin kê û bînin manzelan teştan dixwazin. Gardiyanek êrîş dike ku çima hûn mazgalê vedikin. Piştî vê xirecirê gartiyan ji her du aliyan ve deriyan bi ser girtiyan de digirin. Piştî 3-4 çar saetan ji her du aliyan ve leşker, polîs, gardiyan bi çovan, darên mizmarîn û bi jopan êrîşê girtiyan dikin. Di encama vê êrîşa hov de 10 girtî bi awayekî hovane tên kuştin, 23 girtî jî birîndar dibin.

Ev bûyer niha bû belgefîlm. Rojnameger û derhêner Cemil Oguz li ser vê bûyerê belgefîlmekî bi navê "Mazgal" kişand. 

"Mazgal" careke din bûyerê derdixe ber ronahiyê, dike ku bûyer ji jibîrkirinê rizgar bibe. Belgefîlmê ku piştî temam bû pêşî li Îzmîrê beşdarî 6'emîn Festîvala Belgefîlman a Egeyê û meha borÎ jî li Safranboluyê di 14'emîn FestÎvala Navneteweyî ya Belgefîlman  bû ket pêşbaziyê, niha li Stenbolê bi nîşandayîneke taybet derdikeve pêşberî temaşevanan.

Nîşandayîna li Stenbolê 10'ê vê mehê ye û ji bo her kesî vekiriye.

MAZGAL, nîşandayîneke taybet

Dîrok: 11.10.2013, În
Saet: 19.30

Cih: Garaj İstanbul

Navnîşan: Tomtom Mahallesi, Yeni Çarşı Caddesi,

Kaymakam Reşat Bey Sokak 11A,

Beyoğlu-Istanbul

Telefon 0212 244 44 99

(Not: Li ser Kolana îstîklalê Yapi Kredi heye, ber wê jî Zara heye. Ji ber Zarayê re dema mirov bikeve hundir kuçe destê rastê ve dizivire. Piştî 30-40 metreyî Garaj İstanbul li wir e)

KUNYE

NAV: MAZGAL

DERHÊNER&SENARYO: Cemil Oguz

VESAZKIRIN: Memet Dalmaz, Cemil Oguz

KAMERA: Erdal Qirix, Erhan Yildiz, Ubeydullah Hakan

YÊN AXIVÎNE - PARTICIPANTS: Mehmet Pehlivan, Yavuz Eken, Surreya Tekin, Sezgin Tanrikulu

MUZÎK: Tara Caff "Ruhî Rewan"

TEBEŞÎR FOTO: Mehmet Oguz

DENGDAYÎN - NARRATOR: Fethullah Ozmen, Bedel Boselî, Cemil Oguz, Marîn Rehmanî, Helîm Şûjinkî Macit, SametKardaş

ZIMAN: Kurdî (kurmancî-kirmanckî) û Tirkî

MAWE 49 deqe

Sala kişandinê: 2013