AMED

Şaxa Egîtîm-Sena Amedê dê 21’ê Reşemî Roja Zimanê Zikmakî ya Cîhanê dê li dibistanan du saetan perwerdeya zimanê zikmakî bide. Her wiha dê heman rojê bi daxwaza perwerdeya zimanê zikmakî dê heya Midûriyeta Perwerdeya Netewî ya Bajar bimeşin.

Şaxa Egîtîm-Sena Amedê li ser roja 21’ê Reşemî Roja Zimanê Zikmakî ya Cîhanê daxuyaniyek da û got ku Neteweyên Yekbûyî û UNESCO'yê di sala 1999'an de 21’ê Reşemî wekî Roja Zimanê Zikmakî ya Cîhanê îlan kiriye û ji sala 2000’î ve li tevahî cîhanê ev roj tê pîroz kirin. 

Egîtîm-Sena Amedê di daxuyaniya xwe de got, perwerdeya zimanê zikmakî di van demên dawî de li welatê me bûye parçeyek ji têkoşîna siyasî û bûye nîqaşek sereke ya siyaseta rojane. Hate diyarkirin ku, li welat mafê perwerdeya zimanê dayikê kirine malzemeya siyasetê. Di daxuyaniyê de hate destnîşankirin ku, polîtîkaya bişaftina çandî û yek şêwekirinê 90 sale li Anadolî li ser gelan, civak û baweriyên cuda tê meşandin.

Egîtîm Senê got ku, ji bo rakirina astengiyên zagonî yên pêşiya perwerdeya zimanê zikmakî û ji bo nîşandayîna girîngiya perwerdeya zimanê zikmakî ew dê roja 21’ê reşemiyê 2 saetan li dibistanan perwerdeya zimanê zikmakî bidin.

Dîsa hate gotin ku Egîtîm-Sen, Kurdî-der û MAPER wê heman rojê ji ber Abîdeya Mafê Jiyanê ya Parka Koşuyoluyê heta ber Midûriyeta Perwerdehiya Neteweyî ya Amedê ji bo daxwaza mafê perwerdehiyê ya bi zimanê zikmakî bimeşin.