Diyarname

Kovara du mehane Tîroj bi hejmara xwe ya nû li pêşberî xwendevanên xwe ye. Di vê hejmarê de meseleya 'pêvajoya çareseriyê' û hilbijartina herêmî hatiye nîqaşkirin.

Kovara Tîrojê ku du mehan carekê bi tirkî û kurdî weşana xwe dike bi hejmara xwe ya 67'an a adar û avrêlê derket pêşberî xwendevanên xwe. Kovar ku di her hejmarê de li ser mijareke dosyaya xwe amade dike, di vê hejmarê de li ser "Piştî 17'ê berfanbarê rewşa 'pêvajoya çareseriyê' û hilbijartinên herêmî' disekine û pirsa "Çi diqewime?" dike.

Di dosyayê de Sirri Sureyya Onder, Firat Anli, Ruşen Çakir, Aydin Çubukçu, Erdem Yoruk ji aliyên cur bi cur ve mesele girtine dest. Bi wan re hevpeyvîn hatine kirin û dosyayeke têrtije hatiye amadekirin. Ruşen Çakir dibêje pêdiviya kurdan pê tuneye ku pişta xwe bide aliyek ji yên bi hev re hevdiçin. Çakir qisa dibêje: "Niha tevgera kurd bixwaze mudexeleyê pêvajoyê bike, pêvajo dê biguhere. Ev pevçûn temamê Tirkiyeyê eleqedar dike, ji nêz ve kurdan jî eleqedar dike lê bi rewşa xwe ya niha neketina nava vê pêvajoyê ji bo kurdan rewşek biaqiltir e."

Anli jî dibêje ku kurd ne piştgirê AKP'ê ne. Anli li ser rewşa piştî 30'ê adarê jî wisa dibêje: "Piştî 30'ê adarê dê riheke nû, rêbaza têkoşînê, hevpariyek çêbe. Ger em vê pêvajoyê wekî pêvajoyeke şoreşê bi nav bikin; ger heta îro me sedî pênciyê vê temam kiribe, niha êdî para din ku maye emê dest bi çêkirina wê parê bikin."

Erdem Yoruk jî dibêje ku rêveçûn baş e, her ku 'qeliştek' fireh bibe emê xurtir bibin.

Ji nivîsên kurdî Dawid Yeşilmen li ser "Kurte-analîzek ji bo destpêka wêjeya kurdî û hêmayên sirgûniyê", Abdullah Kiran jî "Ji herêma Cizîrê çend gotinên pêşiyan" amade kiriye û weşandiye. Dîsa, Onder Beyter jî "Dîrokçeyek bo çîroka kurdî û çîroknûsiya Helîm Yûsiv" nivîsiye.

Ji nivîsên tirkî Musa Ataç nivîsa xwe ya bi sernavê "Nêrîna pirsgirêka kurd û çareserî ya 'Kurdên Îranê'" amade kiriye. 

Gulşah İmrek jî bi hunermenda kurd Gulbahar Kavcu ku kurtedemek berê albuma xwe ya yekemîn "Sebeb" derxistibû re li ser albumê hevpeyvînek kiriye.

Mehmet Said Aydin, Pakrat Estukyan, Xangul Ozbey, Suncem Koçer, Mustafa Pekoz, Mem Med, Omer Dilsoz, İbrahim Genç, Ferîd Demîrel, Veysel Vesek, Cîhan Roj, Lokman Polat, Cuma Boynukara, Fatih Polat, M.Zahir Kayan, Ozgur Amed û Bariş Avşar bi nivîsên xwe keda xwe xistine nava kovarê. Her wiha di beşa helbestan de jî helbestên van helbestvanan hatine weşandin: Seydayê Tîrêj, Ahmed Arif, Yusuf Dere, Fatma Savci, Salih Turan, Ali Aydin Çîçek.

*** 

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.