Diyarname

Rûdawê li ser Festîvala Fîlman a Stenbolê 6'ê vê mehê nûçe çêkiriye lê çi nûçe... Kurtenûçeyek çêkiriye lê sê şaşî têde hene.

Wisa nivîsiye: "Sî û sêyemîn Festîvala Navdewletî ya Fîlman a Stenbolê bi beşdariya zêdetirî 200 fîlm ji seranserê cîhanê dest pêkir.

Festîvala navdewletî ya fîlman a Stenbolê, bo cara sî û sêyemîn ji roja 5ê Nîsanê ve dest pêkiriye. Di festîvalê de ku bi beşdariya gellek hunermendên sînema û dildarên sînemayê tê sazirin, 230 fîlm tê de tên nîşandan. 

Di festîvalê de fîlmên kurdî hene ku yek ji wan fîlman fîlma bi navê Mûsayê Bê Asa (gopal) a derhênerê kurd Aydin Orak e ku behsa jiyana Hz. Mûsa dike."

Pêşî qala zêdeyî 200 fîlmî dike, dûre herhal reqem temam kirine, dibêje 230 fîlm. Ger we jimartin 230 fîlm, wê çaxê raste rast wê bibêje...

Û ya dawî: Aydin Orak behna jiyana Hz. Mûsa dike.
Ev ji ku derket?

Mesele ev e: Aydin Orak fîlmê xwe li ser jiyana Musa Anter kişandiye lê di nûçeyê de bûye "Hz. Mûsa".

Tiştekî din, ji bilî vî fîlmî hin fîlmên din ên derhênerên kurd jî hene lê ew di nûçeyê de jixwe nîn in jî.