Diyarname

Li ser gelek tehdîdan jî ji bilî hin cihên biçûk li temamê Iraqê û li Kurdistana Federe hilbijartin li dar ket.

- Beşdariya di hilbijartinê de li temamê Iraqê li dor sedî 60 çêbûye.

- Li hemberî beşdariya Iraqê ya di hilbijartinê de, li herêmên kurdan beşdarî li dor sedî 70'ê ye. 

- Li Başûrê Kurdistanê ku di Zagona Bingehîn a Iraqê de wekî Herêma Kurdistana Federe derbas dibe hilbijartin bi awayê serketî bi dawî bûn. Li vê herêmê PDK bi sedî 44, YNK bi sedî 23, Tevgera Goran jî sedî 20 deng girtin.

- Ji bilî var her sê partiyan du partiyên din jî her dengên xwe diparêzin hene:  Yekgirtû û Komele. Partiya Yekgirtûya Îslamî (Yekgirtû) sedî 7, Komelayê jî sedî 6 deng girtine.

- Li herêma Kurdistana Federe PDK yekemîn, YNK duyemîn û Goran jî bûye sêyemîn. Li gor zagonên Iraqê herêmên ku parçeyeke Kurdistanê ne lê li derveyî Herêma Kurdistanê hatine hiştin YNK li pêş e. Ji van Kerkûk, Xaneqîn û navçeyên din YNK'ê dengên zêde girtine.

- Li Kerkûkê waliyê Kerkûkê Necmedîn Kerîm ku careke din li ser navê YNK'ê ket hilbijartinê dîsa bi ser ket. 

Di rojên pêş de encamên fermî dê bêne eşkerekirin û kîjan partî çend mebûs bi dest xistine dê diyar bibin.

**

Nûçeya eleqedar: 

- Li Kerkûk, Xaneqînê YNK yekemîn e
- Li Başûrê Kurdistanê li kîjan bajarî çiqas hilbijêr hene?

- Li Iraq û Başûrê Kurdistanê hilbijartin çêbûn