Diyarname

12'yê vê mehê li Brezîlyayê dê maçên Kûpaya Cîhanê ya 2014'an dest pê bikin lê rayedarên FÎFA'yê ragihandin ku Brezîlya hê ne amade ye.

Li Brezîlyayê gel li ser piyan e û Kûpaya Cîhanê (ji ber ku gel xizan e lê pere ne ji bo wan ji bo tûrnûvayê hatine xerckirin) çalakiyan li dar dixe. Li aliyê din îdîayeke din derket holê. Li gor rojnameya Estadao rayedarekî FÎFA'yê (Federasyona FFûtbolê ya Navneteweyî) bi şertê ku navê wî neyê eşkerekirin gotiye ku Brezîlya ji bo tûrnûvayê ne amade ye.

Li gor rojnameyê rayedar wisa gotiye: "Rewşa niha nayê qebûlkirin. Divê ev yek neyê dubarekirin. Her tişt xirab e. Em nikarin di astekê de ewlehiya tûrîstan jî çêbikin. Hin stad me neceribandin û ji destê me tiştek nayê. Mînak em nikarin pêşî li greva xebatkarên metroya ya li Sao Pauloyê bigirin. Brezîlya ji bo tûrnûvaya Kûpaya Cîhanê ne amade ye."

Merasima destpêkê û maça yekemîn a Kûpaya Cîhanê gere 12'yê vê mehê li Sao Paulo li Stada Itakeran li dar bikeve.