Diyarname
ÎKSV her sal çend festîvalan li dar dixe. Îsal 250 hezar kes bû mêvanên van festîvalan.

Weqfa Çand û Hunerê ya Stenbolê her sal li Stenbolê festîvala muzîk, fîlm, şano û cazê li dar dixe, du salan carekê jî BÎENAL'ê pêşkêş dike. Li gor agahiyên ku ÎKSV'ê pêşkêş kirin îsal nêzî 250 hezar kesî bûye mêvanên festîvalan.

Festîvala Fîlman a Stenbolê ya Navneteweyî îsal di meha avrêlê de li dar ket. Di du hefteyên festîvalê de li 6 salonan di 473 seansan de zêdeyî 200 fîlm hatin nîşandayîn. Bi temamî 170 hezar kesî di festîvalê de li fîlman temaşe kir.

Îsal 8 jê biyanî û yên din ji Tirkiyeyê bi giştî 25 komên şanoyê li dor 80'yî lîstikên xwe di 16'emîn Festîvala Şanoyê ya Navneteweyî de pêşkêşî şanohezan kirin û bi giştî 25 hezar kesî li lîstikan temaşe kir.

Yek ji navdartirîn festîvala Stenbolê jî festîvala muzîkê ye ku ev 36 sal in li dar e. Li dor 22 çalakî di festîvalê de hatin li dar xistin, 20 hezar kes bû mêvane festîvalê.

Cazhez di Keştiya Cazê, Konserên li Kuçeyan, Caza Ciwan û Konserên li Qilûban de hatin cem hev û bûn mêvanê Festîvala Cazê. Îsal di festîvalê 34 hezar kesî guh da cazê.

Festîvala zarokan Minifest jî îsal li Maslakê çar rojan li dar ket, di van çar rojan de nêzî 10 hezar zarokên biçûk bûn mêvanên Minifestê.

ÎKSV ku di meha 25-26'ê gelawêjê dê 5'emîn Pêşbaziya Şanê ya Leyla Gencer li dar bixe, di meha rezberê de jî festîvala fîlman a payîzê Filmekimi li dar bixe.

Her wiha di meha sermawezê de jî dê Phonem by Miller li dar bikeve, têde elektronik muzik, rocka alternatîf û indie-pop, muzîkên cihêreng derkevin pêşberî muzîkhezan. Bi vê çalakiyê dê çalakiyên salê yên ÎKSV'ê temam bibin.