QAMIŞLO

19’emîn Mîhrîcana helbestên Kurdî li bajarê Qamişlo bi beşdarbûna gelek helbestvan û nivîskarên kurd hate lidarxistin.

Mîhrîcana Helbestên Kurdî her sal li rojavayê Kurdistanê tê lidarxistin. Ji sala 1995'an ve heya niha 18 caran mîhrîcan hatiyee darxistin û îsal 19’emîn car li dar ket. Di mîhrîcana ku li bajarê Qamişlo ji aliyê nivîskar û helbestvanên Rojava ve hate orgazanîze gelek kes beşdar bûn.

Di mîhrîcanê de, gelek partî, sazî, rêxistin, nivîskar, helbestvan û dezgehên çapemeniyê amade bûn. Mihrîcan li salona Melekiyê ya Qamişlo saet di 10.00’an de dest pê kir. Mîhrîcan bi deqeyek rêzgirtinê dest pê kir û paşê axaftina vekirinê ji aliyê Komîteya Amadekar Umer Îsmaîl ve hate kirin. Îsmaîl di axaftina xwe de bal kişand ser yekîtiya gelê kurd û rola nivîskar û helbestvanên kurd di roja me ya îro de.

Helbestvanan helbestên xwe yên nû ku bi tu awayî nehatine weşandin pêşkêş kirin.