Ezê pêşî vê bipirsim: "Hûn çima alîkariya Amed Sporê nakin? û wisa bidomînim:
Hema bibêje her kurd, kurdên ku ji sporê hez nakin jî ji Amed Sporê hez dikin.
Hema her kurd dema Amed Sporê Bursa Spor têk bir serbilind bû, kêfxweş bû.
Hema bêje her kurdî hez dikir Amed Spor Fenerbahçeyê têk bibe û gavek din pêşvetir here.
Hema bibêje hemû kurdên li Amedê jî, yên li Stenbol, Parîs, Berlînê jî, bêşik kurdên Washingtonê jî ji Amed Sporê hez dikin.
Çima? Ji ber ku Amed Spor ne tenê Amed Spor e. Ew nav e, deng e, rih e, dilê kurdan e. Ew kulîlka nav rihê me ye.
Niha Amed Spor di play-offê de dilîze. Di çarîk fînalê de Amed Spor hefteya borî li Sêwasê ligel Sivas Belediyeyê lîst. Kanalek herêmî ew maç weşand, reytînga kanalê derket heta ezmanê Xwedê.
Duh jî li Amedê Amed Sporê lîst û bi ser facebookê re bi awayekî zindî maç hat weşandin. Bi deh hezaran kesî bi awayekî zindî ji ser faceyê re lê temaşe kir. Di dawiyê de Amed Sporê "Sivas Belediye" şand mala wê û ew derbasî nîv fînalê bû.
Klûba Amed Sporê nêzî duh meh berê KAMPANYAYA ALÎKARIYÊ da dest pê kirin (Kampanya ji bo 3 mehan bû). Di meha pêşî de pereyên komîk hatine komkirin: Yanê li dor 20 hezar TL. Em dubare bibêjin: 20 HEZAR TL...
Li Stenbolê 5 kurd bên cem hev dê bikaribin ew qas pereyî bişînin.
Li Berlînê 3 kurd bên ba hev dê bikaribin ew qas pereyî bişînin.
Û pirs ev e: Ev kesên ku reytînga kanala herêmî derxistin ezmanan li ku ne?
Ev deh hezarên ku duh ji ser faceyê re bi awayekî zindî li maçê temaşe kirin li ku ne?
Çima her yek hinek zorê nade xwe û alîkariya tîma xwe nake?
Niha ger Amed Spor di nîv fînalê de Erzeromê (ew bûye reqîb) têk bibe ev deh hezar hemû dê kêfxweş nebin?
Ev deh hezar her yek 100 TL'yek bişîne ji klûbê re dê dinya xira bibe?
Jixwe hûn dizanin Kayyumê şaredariya kurdan Şaredariya Bajarê Mezin a Amedê desteser kiriye û alîkariya klûbê nake. Bi ser de jî (li gor gotinan) dibêje: "Navê xwe biguherînin, em alîkarî bikin." Gelo hûn dixwazin klûb navê xwe biguhîne?
Ji bo kampanyayê ev meh, meha dawî ye.
De fermo hevalno, hesabê Amed Sporê ez parve dikim... Hûn ji ser înternetê re tenê 2 deqeyên xwe veqetînim bes e. EFT'ya we nîn be hema cihek we İş Bankasi dît temam e.
Ev e hesab:
TR47 0006 4000 0018 3002 5552 50
Amed Sportif Faliyetler Kulübü Derneği
.jpg)
