Diyarname
Vê hefteyê binavê "Plajda"', "Benimle Evlenir misin?'', "Charlie li ser kar e", "Guh bide dilê xwe'', "Çav", "Oyunbozan", "Mij", "Hazan Mevsimi / Bir Panayir Hikâyesi". Di nav van de yê herî balkêş "Charlie li ser kar e."

***

Charlie Îş Başinda
(Charlie Bartlett)

Derhêner: Jon Poll
Lîstikvan: Robert Downey Jr., Hope Davis, Anton Yelchin...
Cure: Komedi / Dram
Sala Kişandinê: 2007

Fîlmê Jon Poll "Charlie Bartlett" bi navê "Charli li ser kar e" li Tirkiyeyê ket vîzyonê. Fîlmê herî balkêş ê vê hefteyê ye. Xwendekarekî lîseyê yê kurê dê û bavekî ji hevqetiyayî lê dewlemend ji lîseya taybet tê avêtin û diya wî, wî li lîseyeke dewletê qeyd dike.
Ev kurikê jîr û biaqil dê li lîseya dewletê rehet nehêle, bi ser de jî tiştên ku dixtorê wî yê taybet jêre bibêje ewê were li tiwaleta dibistanê wekî dixtorekê li ser hevalên xwe de bikar bîne. Dê bi ser bikeve jî. Û hebên ku bi dixtorê xwe dane nivîsandin dê li dibistanê bide firotin: Hem pere kar bike, hem bibe lehengê mezin ê xwendekarên ciwan ku aqilê wan bihostek li hewa ye.
Û meseleya evînê, hevşabûna yekem a ciwanekî dê were xwe li dilê Charli Bartlett bide... Lê ger bavê keçikê midûrê dibistanê be?
Fîlmê ku mîzah, komedî, aqil, serhildan û anarşîzmê di nava xwe de dihebîne ji bo fêmkirina hestên ciwanan, ji bo fêmkirina veqetîna dê û bavan ku tesîrê li zarokan jî dike fîlmeke serketî ye. Û lîstikvaniya fîlm jî baş e. Ji ber van taybetiyan em "Charlie Bartlett" dikin fîlmê hefteyê û pêşniyarê we dikin.

  Fragman:

***

Plajda (Li Plajê)

Derhêner: Murat Şeker
Lîstikvan: Tuba Unsal, Guçlu Yalçiner, Gurgen Oz, Sarp Apak...
Cure:  Komedî
Sala Kişandinê: 2007

Gurgen Oz û Sarp Apak ku di rêzefîlmê 'Avrupa Yakasi' de performanseke serketî nîşan dabûn ew performansa xwe anîne "Plajda" pêşkêş dikin. Ali (Sarp Apak) û Can ( Gurgen Oz) ku di Şanogeha Zarokan de dilîzin di heman demê de hevalên hev ên malê ne, xeyala wan ew e ku di fîlmekî sînemayê de bilîzin û hem navdar bibin, hem pere kar bikin. Lê kar wisa ne hêsan e. Beşdarî partiyeke dibin bêyî vexwendîbin. Di derketina ji wir a bê hêvî de li otoparkê dibin şahidê pevçûneke tilyakfiroşan... Û xirecir ji wir û pêde dest pê dike. Fîlmê komedî ji xurtbûna naverokê wêdetir bi lîstikvaniya xwe balê dikişîne.

***

Kalbini Dinle (Guh bide dilê xwe)
(August Rush)

Derhêner: Kirsten Sheridan
Lîstikvan: Robin Williams, Keri Russell, William Sadler...
Cure: Dram / Muzîkal
Sala Kişandinê: 2007

Gîtarjenekî jîr û karîzmatîk ê îrlandî û çelîstek delal li Washington Square ya li New Yorkê rastî hev  tên, lê ev ne rasthatineke û şevek ji rêzê ye.
Evên ku bûne xwedî kêliyeke efsûnkar dê ji hev dûr bikevin lê zarokek biçûk dê wan bîne cem hev: Zarokê êtîm August Rush ku li kuçeyan karê muzîkê dike ku ji aliyê hêzeke efsûnkar ve tê parastin. Augustê biçûk her ku diçe hêza xwe bi her kesî dide pejirandin.

***

Benimle Evlenir misin?
(27 Dresses)

Derhêner: Anne Fletcher
Lîstikvan: James Marsden, Malin Akerman, Katherine Heigl, Edward Burns...
Cure: Romantîk / Komedî
Sala Kişandinê: 2008

Fîlmê derhêner Anne Fletcher "27 Dresses" li Tirkiyeyê bi navê "Benimle Evlenirmisin?" (Tu bi min re dizewicî?) ketiye vîzyonê.
Jane her çiqas eşkere neke jî ji patronê xwe hez dike, lê xwişka wê xwe bera dike û dilê patronê wê zeft dike. Li ser vê yekê Jane fêm dike ku li cihekê şaşî kiriye û ji nû ve tevgerên xwe ji ber çavan re derbas dike.
Di dolaba wê de 27 qat cilên cihê hene, dest bi wan dike. Ew dawetan organîze dikin. Di dawiyê de dê organîzeya daweta xwe de çi bikin? Dê çerxa felekê kengê ji ku vegere...

***
 
Goz (Çav)
(The Eye)

Derhêner: David Moreau
Lîstikvan: Jessica Alba, Parker Posey, Alessandro Nivola...
Cure: Dram / Hêrsdarî
Sala Kişandinê: 2008

Sydney Wells li Los Angelesê viyolonjenekî ye lê ji ber ku di zarokatiya xwe de qezayeke derbas kiriye kor bûye. Fîlm li ser Sydney derbas dibe. Ew emeliyet dibe lê bi vê yekê re gelek tişt diguherin. Ji heval û malbatê dûr dikeve, çavê ku anîne li çavên wî dane jêre deriyeke din vekiriye.

***

Hazan Mevsimi / Bir Panayir Hikâyesi (Serdema Payîzî / Çîrokeke Panayirê)

Derhêner: Mehmet Eryilmaz
Lîstikvan: Zumrut Erkin, Erol Tezeren, Halil Kumova...
Cure: Dram / Romantîk
Sala Kişandinê: 2007

Çîroka du kesên ji hev bêhêvî hez dikin li panayirekê derbas dibe. Çîroka Cemalê ku di çêkirina avahiyeke ku nêzî panayirê de ye dixebite û çîroka stranbêj Nurşen ku li panayirê dixebite...
Her du jî kokên wan ne li cihekê hatine avêtin. Her du bêkok in, bê cih û war in...

***
 
Oyunbozan
(The Game Plan)

Derhêner: Andy Fickman
Lîstikvan: Brian J. White, Roselyn Sanchez, Walter Salles...
Cure: Malbatwarî / Komedî
Sala Kişandinê: 2007

Fîlmê Andy Fickman ku bi navê "Oyunbozan" ket vîzyonê li ser çîroka Joe Kingman (Dwayne Johnson) ê lîstikvanê navdar yê Futbola Amerîkayê derbas dibe. Ew dewlemend, populer e û bi xwe tam bawer e; xwe ji bo maça şampiyoniyê amade dike. Lê Joeyê ezeb bêyî hay jê hebe hîn dibe ku bavê keçikek biçûk e. Û jiyana zarok û maça şampiyoniyê tevlihev dibe...

 ***

Olduren Sis (Mijê ku dikuje)
(The Mist)

Derhêner: Frank Darabont
Lîstikvan: Laurie Holden, Marcia Gay Harden, William Sadler, Thomas Jane...
Cure: Hêrsdar / Xeyalê Zanistî
Sala Kişandinê: 2007

Mijeke ku wekî ji  dinyayeke din hatibe bi ser navçeyê de digire  û tirs dadikeve nava bajêr; her kes direve marketekê. Di nav gel de David Drayton û kurê wî yê biçûk Billy jî hene.

***