DiyarName.Com

3 jinên kurd hatin kuştin

Dîrok: 05/01/2016

ŞIRNEX (DÎHA)- Li Sîlopiyê 3 kesên ku duh hatin qetilkirin navên wan diyar bûr: Endama Meclisa DBP'ê Sêvê Demîr, Hevseroka Meclisa Gel a Sîlopiyê Pakîze Nayir û aktîvîsta KJA'yê Fatma Uyar. Ligel wan mêrek jî hatiye kuştin lê nehat zanîn ku ew kî ye.

Şeva din li taxa Karşiyaka ya navçeya Silopî ya Şirnexê demek dirêj bi wesayîtên zirxî hatibû gulebarankirin. Di encama gulebaranê de 4 kesan jiyana xwe ji dest dabû û cenazeyên wan rakiribûn Morga Nexweşxaneya Dewletê ya Silopiyê. Parlementerên HDP'ê Aycan Îrmez û Ferhat Encu ji bo li ser cenazeyan agahiyan bigirin çûbûn nexweşxaneyê lê ji aliyê hêzên dewletê ve hatibûn astengkirin.

3 cenaze şandin Şirnexê

Berêvarkî 3 cenaze şandin Morga Nexweşxaneya Dewletê ya Şirnexê. Parlementerên HDP'ê Leyla Bîrlîk û Îbrahîm Ayhan çû nexweşxaneyê û bi dozgeriyê re hevdîtin pêk anîn. Bîrlîk piştî hevdîtinê got cenaze aîdî Endama Meclisa DBP'ê Sêvê Demîr, Hevseroka Meclisa Gel a Silopî Pakîze Nayir û Aktîvîsta KJA'yê Fatma Uyar in. Bîrlîk anî ziman ku cenazeyê ayîdî zilamekî jî ber rûyê wî nayê nasîn nizanin aîdî kî ye.

Ji 3 kesan agahî nayê girtin

Piştî şeve din taxa Karşiyaka hat gulebarankirin ji Nayîr, Endama Meclisa DBP'ê Sêvê Demîr û Aktîvîsta KJA'yê Fatma Uyar agahî nedihatibû girtin.