Diyarname

Amed Spor di Kûpaya Zîraatê ya Tirkiyeyê de di serdema 2014-2015'an de yekemîn car derbasî Maçên Koman bûbû lê nekarî bû ji komê derkeve. Amed Spor îsal (serdema 2015-2016) careke din serketina xwe dubare kir û mafê ketina Maçên Koman bi dest xist. Di encama pişkeyê de Bandirma, Şanliurfa û Medipol Başakşehîr wekî reqîb derketin. Dê 6 maç bihata lîstin. Di dawiya maça 4'an de Amed sporê mafê derketina ji Koman bi dest xist û rekora xwe şikand.

Di maça yekem da Amed sporê bandirma li mala wê bi 1-2 têk bir. Di maça duyem de li mala xwe ligel Başakşehîrê 2-2 ma, di maça sêyem de li Şanliurfayê bi 0-2 bi ser ket û maça 4'an li mala (14.01.2016) xwe li hemberî Şanliurfa 1-0 têk bir û pûanên xwe derxistin 10'an. Di Maçên Koman de du maçên dawî me, lê bi van pûanan Amed Sporê mafê derketina ji koman bi dest xist. Ji Koma A tîma din Başakşehîr jî niha 10 pûanan de ye û wê jî heman maf bi dest xistiye. Her du maçên dawî ku dê bêne lîstin êdî nikarin encamê biguherînin. Di maça 5'an de Amedspor roja 21'yê mehê saet 12'yan de li Stada Şilbeyê dê bi bandirmare bilîze.

Amed Spor yekem car ji koman derdikeve û dikeve nava 16 tîmên serketî. Piştî maçên koman temam bibin dê ji bo 16 tîman pişke bê kişandin û ji van 16'an di encama maçek de dê 8 tîm binînin, dûre çarîk fînal, nîv fînal û maça fînalê bê lîstin.

Hêvî ew e ku Amed spor bikaribe ji nav 16 maçan jî derê.