Diyarname

Ajansa nûçeyan a navneteweyî Reuters ragihand kudê kurdên Sûriyê pêşnûmaya Zagona Bingehîn ku amade kirine di meha pêşiya me de bidin dengdanê. Ajansê bi Hevseroka Kantona Cizîrê Hediye Yûsûf re hevpeyvînek jî kiriye. Yûsûf gotiye, "Di meha kewçêrê de emê meclisa avakar li hev bicivînin û li bakurê Sûriyeyê pergala federal a ku me amade kiriye ragihînin."

Yûsûf gotiye ku operasyonên Tirkiye û hevalbendên wê wan eleqedar nake û gotiye: "Baweriya me ew e ku dê Minbic jî di nav pergala federal de cih bigire. Qamişlo dê bibe paytexta vê pergalê."

Reutersê gotiye hem Esad, hem muxalifên Sûriyê li dijî vê pergala federal in, lê YPG piştgirî dide vê. Ajans radigihîne ku rêveberiya niha dê hem bê berfirehkirin û hem jî bê xurtikirin; herêmên ku ji destê DAIŞ'ê hatine girtin jî dê bikevin nava vê pergalê.