Diyarname

Lijneya Bilind a Hilbijartinê (YSK) ya Tirkiyeyê pisûlayên dengdanê yên hilbijartina 31'ê adara 2024'an dan nasîn.

Va ne agahiyên li ser pisûla û hejmarên hilbijartinê:

- Roja 31'ê adarê li 91 bajar, 973 navçe û 390 bajarokî hilbijartin çêbe û ji bo van deran şaredar bêne hilbijartin.

- Ji bilî şaredaran, ji bo taxan bi temamî wê 50 hezar û  336 moxtar jî bêne hilbijartin.

61 MÎLYON HILBIJÊR HENE

- 61 mîlyon û 441 hezar û 336 hilbijêr hene.

- Di dema dengdanê de "kaxizê dengdanê" ne lazim e lê divê nasnameyeke ku nimreya TC (Komara Tirkiyeyê) li ser hebe. 

- Di dema dengdanê de bikaranîna telefon an amûreke deng/dîmen tomarkirinê qedexe ye.

34 PARTÎ HENE

Li Tirkiyeyê dor 130 partiyên siyasî hene lê 34 partî beşdarî hilbijartinê dibin.

- Bajarê herî zêde berendam lê Stenbol e. Li Stenbolê 49 berendamên şaredariyan hene ku 22 berendamên partiyên siyasî, 27 jî berendamên serbixe ne.

- Bi rêzê li Entabê 29, li Meletî 28, li Îzmîrê 27 û li Enqereyê jî 24 berendam ji bo Şaredariyên Mezin berendam in.

PISÛLAYÊN DENGDANÊ

- Ji bo serokê/a Şaredariya Bajarên Mezin pisûlayên "spî", ji bo endamên Meclisa Giştî ya Bajêr pisûlayên tirûncî, ji bo serokê/a şaredariya navçeyê pisûlaya "mawî", ji bo endamtiya meclisa şaredariyê jî pisûlaya "zer" dê bê bikaranîn. Hilbijêr hemû pisûlayan bi hev re dê bikin nav zerfek. Li Stenbolê pisûlaya ji bo Şaredariya Bajarê Mezin ji ber pirbûna berendaman bi qasî metreyek fireh e.

DENGDAN ÇAWA DIBE?

Li Bajarên Mezin dengdêr ji bo her astî deng dide (Şaredarê Bajarê Mezin, Meclisa Giştî ya Bajêr, Şaredariya Navçeyê, Meclisa Şaredariya Navçeyê û Moxtar). Lê li bajarên ku ne Bajarên Mezin in ji bilî Şaredarê/a Bajarê Mezin ji bo astên din hemû dê dengdan çêbe (Meclisa Giştî ya Bajêr, Şaredar, Endamên Meclisê, Moxtar)

SAETÊN DENGDANÊ

- Li bajarên kurdan ên wekî Semsûr, Agirî, Çewlig, Bedlîs, Amed, Elezîz, Erzîncan, Erzurum, Entab,  Culemêrg, Qers, Meletî, Mereş, Mêrdîn, Mûş,, Sêrt, Dêrsim, Riha, Wan, Batman, Şirnex, Erdexan, Îdirê wê saet di navbera 07.00-16.00'an de dengdan çêbe. Li aliyê din li bajarên Tirkiyeyê ên wekî Kilis, Artvin, Giresun, Gumuşhane, Ordu, Rize, Sivas, Trabzon û Bayburtê jî heman saetan dengdan çêbe. Li bajarên din wê saet 08'an de dest pê bike û saet 17.00'an de bi dawî bibe.