Diyarname

Di EURO 2017 Tûrnûvaya Jinan ku îsal li Hollandayê li dar dikeve de îro di Koma B de du maç hene. Li gor saeta Tirkiyeyê Swêd û Rusya saet 19'an de hatin cem hev. Swêdê Rusya bi 2-0 têk bir.
Di maça saet 21,45'an de jî Almanya û Îtalya hatin hemberî hev. Almanyayê bi 2-1 maç bi dest xist. Di komê de ALmanya û Swêd bûn xwedî 4 pûanan, li dû wan Rusya bi 3 pûanan tê. Qet pûanên Îtalyayê nîn in. Di maçên sêyemîn de du tîm ji komê dê derên û her duyên din vegerin mala xwe.

Di maçên Koma A de duh Belçîkayê Norweç bi 2-0, Hollandayê jî Danîmarka bi 1-0 têk bir. Di komê de Hollanda bû xwedî 6 pûnaan, Belçîka û Danîmarka jî her yek sê pûanên wê hene. Yên Norwecê pûnan nîn in.

Koma C

Di Koma C de Avusturya, Fransa, Îzlanda û Swîsre hene. Di maçên yekemîn de Avusturya û Fransa bi ser ketibûn her yek 3 pûanên wan hene, lê Îzlanda û Swîsre bê pûanan in.

Maçên duyemîn ên Koma C roja 22'yê mehê têne lîstin. Îzlanda û Swîsre saet 19'an de, Fransa û Avusturya saet 21,45'an de dê bilîzin.

Koma D

Di Koma D de Îngilistan, Spanya, Portekîz û Skoçya hene. Di maçên yekemîn de Îngilistan û Spanya bi serketibûn her yek 3 pûanênwan hene, lê yên Portekîz û Skoçyayê pûanên wan nîn in.

Maçên duyemîn ên Koma D roja 23'yê mehê têne lîstin. Skoçya û Portekîz saet 19'an de, Îngilistan û Spanya saet 21,45'an de dê bilîzin.

Maçên Euro 2017 yên Tûrnûvaya Jinan ji aliyê Eurosporê ve têne weşandin.