Diyarname

Wênesazê kurd Ahmet Guneştekîn ket nav lîsteya “500 hunermendên hêrî girîng” a dinyayê û rêza 260’î de cih girt.

Lîsteya artprice a ku her sal ji berhevkirina daneyên hemû galeriyên cîhanê pêk tê diyar bû. Di lîsteya 2010/2011’yan de ji Tirkiyeyê 9 hunermendî karî cih bigre. Ahmet Guneştekin wekî par îsal jî di nav hunermendên Tirkiyeyê de kete vê lîsteyê.

Artprice li tevahiya dinyayê wekî sazîyeke otorite ya hunera hemdem tê pejirandin. Artprice, di derheqê bazara hunera nûjen de daneyên rastîn û girîng berhev dike û li gor wan daneyan her sal di vî warî de lîsteyên cur be cur amade dike. Ji van lîsteyan yek jê jî “500 hunermendên herî girîng” e. 500 hunermendên herî biha û girîng ên lîsteya 2010/2011’yan ji yên nav 405.000 hunermendên cihanê derketine pêş pêk tên.

Ahmet Guneştekîn sala çûyî di lîsteya “500 hunermendên herî girîng” de di rêza 287’an de cih girtibû, îsal 17 hejmar bi jor de hilkişîya û di rêza 260’an de cih girt.

Wênesaz Guneştekîn di nav 9 kesên ji Tirkiyeyê li gor pîvanga “firotana buhayê giştî” wekî hunermendê çarem hatiye nîşandayîn. Lê li gor pîvanga “wêneyê herî buha” de wekî par îsal jî di rêza serî de cih girtiye. Yanê niha li Tirkiyeyê wêneyên herî buha wekî yên Ahmet Guneştekîn hatine destnîşankirin. Her wiha li gor pîvanga “rêjeya firotana buhayê giştî û hejmara giştî” bi 30.39 rêje Haluk Akakçe yê karîye 24.29 rêje bidestbixe jî derbas kiriye.

Li gor rexnegirên Tirkiyeyê û hin rexnegirêncîhanê wênesaz Ahmet Guneştekîn wekî yekem hunermendê kurd ê hêjayî ketina nav dîroka hunera hemdem ya cîhanê tê pejirandin.

Ahmet Guneştekîn kî ye?

Ahmet Guneştekîn di sala 1966’an de li Batmanê ji dayik bûye. Di sala 1986’an de ji perwerdehiya akademiya hunera bedew ya zaninageha Mîmar Sînanê bihurî û dev jê berda.

Wî, di 1973’yan, di sêyemîn sinifa dibistana seretayî de xelata xwe ya pêşîn girt. 1981’an de pêşangeha xwe ya pêşîn vekir. Guneştekîn sala 1997’an li Beyogluya Stenbolê atolyeya xweya pêşî saz kir. Di heman salê de bi Coşkun Aral re dest bi gera Anatolyayê kir. Bi dû re di çarçoveya projeya bi navê “Guneşin İzinde”( Li Pey Şopa Tavê) li 65 bajarên Tirkiyeyê bi hunermendên hunera nûjen re li cihên dîrokî pêşangeh vekir. Dîsa di çarçoveya vê projeye de bi çalakiyên bi navê “Çocuklarla Resim” (Tevî zarokan wêne) tevî nêzî deh hezar zarokan xebatên atolyeyan li dar xistin, xwest hezkirina hunerê bi wan bide hîstikirin.

Wênesaz Guneştekîn pêşangeha xwe ya mezin a pêşîn di sala 2003’yan de bi navê “Karanliktan Sonraki Renkler” ( Rengên Bi Dû Tariyê)  li “Ataturk Kultur Merkezi” ( Navenda Çandê Ya Ataturk ) ya Stenbolê vekir.

Guneştekîn ku dîrokzanên hunerê wî ji nêz ve dişopînin, di demek kurt de di fûarên girîng yên navneteweyî de, di nav kolleksîyonên xwecih û biyan de cih girt.

Rexnegirên sereke yên Tirkiyeyê û cîhanê wî wekî hunermendê pêşîn yê kurd ku hêjayî ketina dîroka hunerê ya dinyayê ye dihesibînin.

Ahmet Guneştekin niha xebatên xwe li “Guneştekin Sanat Merkezi” (Navenda Hunerê Ya Guneştekîn ) di sala 2010’an de li Şîşhaneya Beyogluyê ku wî bi xwe sazkiriye de didomîne.