Diyarname

Îro Roja Azadiya Çapemeniyê ya Navneteweyî ye. Li ser vê yekê RSF'ê (Rêxistina Rojnamegerên Sînornenas) hin dane belavkirin. Li gor vê yekê di warê azadiya çapemeniyê de Tirkiye di nav 180 welatan de 165'emîn e. RSF'ê rewşa Tirkiyeyê wekî "gelek xirab" bi nav kir.

JI 2022'YAN PAŞVETIR ÇÛ

Li gor îndeksa ku RSF'ê li ser sala 2023'yan belav kiriye Tirkiye ber bi jêr ve çûye. Tirkiye ku di vê îndeksê de di sala 2022'yan de di rêsza 149'emîn de bû, îsal daketiye rêza 165'emîn.

GIRTINA ROJNAMEGERAN

RSF notên wekî “zêdebûna zor û zextên li ser rojnamevageran” , “bi taybetî kom bi kom girtina rojnamevagerên kurd” û “faktorên civakî yên ku azadiya çapemeniyê tehdît dikin” ji bo Tirkiyeyê belav kirine.

Hin notên RSF:

- Di rewşa azadiya çapemeniyê de 31 welatan “gelek xerab” in

- 42 welatan “xerab” in

- 55 welatan “bi pirsgirêk” in

- 52 welatan jî “gelek baş” an jî “baş” hatine hesibandin

Tirkiye ji kategoriya "bi pirsgirêk" daketiye "gelek xirab"

**

Nûçeyên Eleqedar:

- Rojnameger Sedat Yilmaz û Dîcle Muftuoglu hatin girtin 

- Hejmara girtiyan zêdetir dibe