Diyarname
Rewşenbîr û siyasetmedar Tarik Ziya Ekinci îro canê xwe ji dest da. Odeya Tabîbên Stenbole bi ser hesabê xwe re agahiya mirina wî ragihand.
Tarik Ziya Ekinci kî ye?
Rewşenbîr Tarik Ziya Ekinci di sala 1925'an de li Licêya Amedê hatiye dinê. Ekinci dibistanên pêşî li Amedê, Zanîngeh li Stenbolê xwendiye. - Di sala 1949'an de ji Beşa Tibê ya Zanîngeha Stenbolê mezûn bû.
- 1957'an de wekî doktor li Amedê dest bi kar kir.
- Di navbera salên 1958-1980 de di Kongreya Konseya Navendî ya TTB'ê (Yekîtiya Tabîbên Tirk) de wekî nûnerê doktorên herêmê peywir girt.
- 1957'an de li CHP'e dest bi têkoşîna siyasî kir.
1960'î de ket nava TÎP'ê (Partiya Karkerên Tirkiyeyê) û di sala 1965'an de ew jî wekî mebûsê TÎP'ê hat hilbjartin.
- Berî mebûsî, wan salan ligel komek hevalên xwe Komeleya Çandî ya Sosyalîst vekir û Serokatiya Şaxa Amedê kir.
- 1970'yan de di nav avakirina DDKO'yê (Ocaxa Çandî ya Rojhilat a Şoreşger) bi awayekî çalak cih girt.
- Di derbeya 12'yê Adarê 1971'ê de bi îdîya "Kurdçîtî û propagandaya Komunîzmê" hat girtin û 3 salan girtî ma.
- Di dema derbeya 12'yê Rezbera 1980'yî de 5 caran hat girtin. Dema hat berdan, reviya derveyî Tirkiyeyê.
- Heta 1989'ê li Parisê doktorî kir û paşê vegeriya Tirkiyeyê.
- Di gelek kovar û rojnameyan de nivîsî.
- Di nav Lijneya Şêwrê ya Akademiya Siyasî ya BDP'ê (Partiya Aştî û Demokrasiyê) de cih girt, herî dawî di nav Lijneya Şêwrê ya HDP'ê de bû.
HIN PIRTÛKÊN WÎ
Wî gelek pirtûk bi tirkî nivîsîn û bi van helwesta xwe ya li nav civakê, helwesta xwe ya rewşenbîrî nîşan da. Va ne hin pirtûkên wî:
- Dogu Drami (1966)
- Devlet ve Ben (1995)
- Faili Meçhul Bir Cinayet (1994)
- Vatandaşlik Açisindan Kurt Sorunu ve Bir Çozum Onerisi (1997)
- Demokrasi, Çokkulturluluk ve Bir Yargisal Seruven (1999)
- Avrupa Birligi’nde Azinliklarin Korunmasi Sorunu Turkiye ve Kurtler (2001)
- Sol Siyaset Sorunlari Turkiye İşçi Partisi ve Kurt Aydinlanmasi (2004)
- Millet, Milliyetçilik, Devlet ve Anayasa Sorunlari (2004)
- Turkiye’de Demokrasi ve İnsan Haklari Sorunlari (2004)
- Turkiye’nin Kurt Siyasetine Eleştirel Yaklaşimlar (2004)
- Turkiye’nin Çagdaşlaşmasi ve Kurtler (2006)
- Lice'den Parise Anılarım (2010)

***

DEM PARTÎ PEYAM BELAV KIR
DEM Partî li ser mirina Ekîncî daxuyaniyeke nivîskî belav kir û got ku ewê bi jiyana xwe ya bi rûmet her di têkoşîna me de bijî.
DEM Partî wisa got, "Tarik Ziya Ekîncî di 40 salên dawî de her piştgirî daye çareseriya demokratîk û aştiyane ya ji bo pirsgirêka kurd. Ewê bi vê jiyana xwe ya bi rûmet her di têkoşîna me de bijî. Windahî û êşa me mezin e, em ji Xwedê rehmet, ji malbat û hezkiriyên wî re jî sersaxiyê dixwazin."

***

Vîdeoyek: