Diyarname
Yek ji lîstikvanên efsanewî yê Tirkiyeyê Kadir İnanır îro canê xwe ji dest da. Herî dawî 14'ê gulanê rakiribûn nexweşxaneyê, dîsa hatibû ser xwe, lê dîsa rewşa wî xira bû û îro mir.

Înanir ji ber zatureyê li nexweşxaneyê bû dihat dermankirin. Roja 23'yê mehê xwişka wî Altun Arica miribû, îro jî ew.

Ji bo Kadir înanir sibê saet 13.00'an de li Navenda Çanda Atatürk* wê merasimek li dar bikeve. Paşê wê cenaze ji bo nimêjê bibin Barbaros Hayretten Paşa Cami û piştî nimêjê esrê wê li Goristana Ulusê bê definkirin.

KADÎR ÎNANIR KÎ BÛ?
Lîstikvan Kadir Înanir roja 15'ê avrêla 1949'an li Fatsaya Orduya Tirkiyeyê hatibû dinê. Malbata wî ji Surmeneya Trabzonê ye. Dibistana seretayî û navîn li Fatsayê xwendiye. Li dibistanê di hin lîstikan de lîstiye. Ji wê demê de bi wî karî re radibû.
Wî li Stenbolê piştî temamkirina Lîseya Haydarpaşayê, li Zanîngeha Marmarayê Beşa Radyo-Televîzyon xwendibû.
Di sala 1968'a de beşdarî "Pêşbaziya Lîstikvanên Sînemayê" ya ku kovara SES'ê li dar xist bû. Di vê pêşbaziyê de nekarî bikeve nava sisêyên qêşî. Heman salê rojnameya Saklambacê "Pêşbaziya Lîstikvanên Fotoromanê2 lidar xist, di vir de bû yekemin. Heman salê di fîlmê bi navê "Yedi Adim Sonra" de rolek biçûk lîst. Serlîstikvaniya wî ya pêşî di fîlmê Atif Yilmaz "Kara Gozlum" de ku di sala 1970'ê de lîst. İnanir di vî fîlmî de ligel Turkan Şoray lîst û paşê di gelek fîlmên din de ligel Şoray lîst.

FÎLMÊN WÎ
"Selvi Boylum, Al Yazmalim" (1977, Atif Yilmaz), "Amansiz Yol" (1985, Şerif Goren), "Katircilar" (1987, Şerif Goren), "72.Koguş" (1987, Erdogan Tokatli), "Tatar Ramazan" (1990, Melih Gulgen) hin fîlmên wî yên ku herî zede têne zananî.

XELATÊN WÎ
Wî 5'emîn Festîvala Gûzeka Zêrîn a Edeneyê di bi fîlmê "Utanç" (1973) Xelata Lîstikvanê Herî Serketî girt. Di Festîvala Porteqala Zêrîn a Antalyayê (1985) de jî bi rola di fîlmê "Yilanlarin Ocu" de jî heman xelat girt. Li Enqereyê jî di sala 1990'î de heman xelat girt.

*Nota Diyarnameyê: Ji ber çalakiyên li Taksîmê cihê merasimê hat guhartin û ewê li Salona Muhsin Ertugrul merasim li dar bikeve. (Ev not paşê li nûçeye hat zêdekirin)