Diyarname

Her ku diçe berendamên şaredariyên yên BDP'ê diyar dibin. Niha jî berendamên Amedê (bi awayekî fermî nehatibin eşkerekirin jî) diyar bûn.

Kurtedemek berê me nûçeya berendamên du bajaran weşandibû û pêre jî gotibû ku ji bo Amedê berendam (wekî hevserokatî) diyar in, lê ji ber me soza nenivîsandinê daye, em nanivîsin. Niha êdî dema nivîsandinê ye: Bi awayekî fermî nehatibe eşkerekirin jî berandamên Şaredariya Bajarê Mezin a Amedê Gulten Kişanak û Firat Anli ne. BDP'ê li şaredariyan jî pergala hevserokatî dide meşandin. Li gor vê li Amedê Hevseroka BDP'ê Gulten Kişanak û parêzer, Şaredarê Yenişehirê yê berê Firat Anli dê wekî Hevserokê Şaredariya Amedê bibin berendam û piştî bi serketinê, her du dê Amedê bi rê ve bibin.

Têbinî: Li ser berendamtiya şaredariyên hin bajar û navçeyan jî agahî di destê me de hene, lê em niha nikarin biweşînin.