Diyarname

Nîqaşa weşanên çapkirî têk diçin careke din bû mijara nîqaşê. Ji ber ku kovara navdar Newsweek ku par dest ji çapkirinê ber dabû û derbasî dîjîtalê bûbû, biryar girt ku careke din wekî kovara çapbûyî weşanê bike.

Li gorî nûçeyekî di rojnameya New York Timesê de kovara Newsweek careke din vedigere weşana li ser kaxiz çapbûyî. Di sala 2012'yan de kovarê biryara rawestandina weşana xwe ya bi kaxiz çapbûyî dabû û derbasî dîjîtalê bûbû. Piştî salekê kovar ji ya xwe daket û dê careke din bi awayê çapbûyî derkeve. Newsweek demek dirêj li dinyayê kovara herî navdar a nûçeyan bû. Kovar meha yekîman a sala 2014'an de dê dest bi weşana xwe ya li ser kaxiz çapbûyî bike.

Rêveberê Giştiyê Weşana Newsweek Jim Impoco ji bo NY Timesê gotiye ku ew dixebetin bi firotina bayiyan malpera xwe ya gelek aboneyên wê heyî zindî bikin.

Newsweekê hejmara xwe ya yekemîn di 17.02.1933'yan de derxistibû û ji wê rojê de weşana xwe didomîne.