Diyarname

Belavkarê rojnameya Azadiya Welat Kadri Bagdu ku rastî êrîşeke çekdarî hatibû û rakiribûn nexweşxaneyê, wefat kir. Li gor rapora otopsiyê di bedenê Bagdu de 5 gule hatin dîtin.

Bagdu di dema ku li Şakîrpaşaya Edeneyê rojnameya Azadiya Welat belav dikir rastî êrîşeke çekdarî hatibû. Bagdu ligel hemû muduxeleyê jî wefat kir. Li gor pêşrapora Saziya Tiba Edlî ya Edeneyê cihê 5 guleyan di laşê Bagdu de hatine dîtin. Rapor dibêje ku gule li aliyê jor ê guhê rastê, aliyê rastê yê çeneyê, aliyê rastê yê stûyê wî, li oksîtîtalê aliyê rast û li aliyê çep ê çeneyê ketiye. 3 dendikên guleyên ku ji bedenê Bagdu derketine û sê dendikên guleyê ku li cihê bûyerê hatine berhevkirin teslîmê Serdozgeriya Nobedar ê Kobarê yê Edeneyê hatiye kirin.

Bûyer hat şermezarkirin

Xebatkarên Çapemeniya Azad li ber Nexweşxaneya Acibadem hatin ba hev û daxuyaniyeke dan çapemeniyê. Rojnamegeran diruşma "Nikarin Dengê Çapemeniya Azad bibirin" bilind kirin.

Her wiha HDP'ê jî bi duxayaniyeke nivîskî êrîş şermezar kir. 

Şahidekî bûyerê heye lê...

Hat gotin ku zarokekî 13 salî yê ku bûyer dîtiye ji bo îfadeyên wî bêne girtin polîsan biriye emniyetê, lê heta niha tu agahî nehatiye dayîn.