Diyarname
Fûara Pirtûkan a Amedê li merasimekê vebû. Şaredar Baydemîr axaftineke kir û got: "Erdnîgariya ku yekem car lê nivîs hatiye nivîsîn bi pirtûkan re tê cem hev."
Fûara Pirtûk û Perwerdehiyê ya Amedê ku îsal yekemîn car li dar dikeve li Navenda Kongre û Fûarê ya Amedê dest pê kir. Di merasima destpêkirina fûarê de Şaredarê Bajarê Mezin ê Amedê Osman Baydemîr axaftineke kir. Baydemîr da zanîn ku 1100 sal berê ramanwerê amedî Seyfuddîn Amîdî ji ber ramanên xwe ji bo Bexdatê hatiye sirgûnkirin, qan du sal berê ev sirgûniya Amîd ji holê rakir û wiha berdeqam kir: "Ew xebata me yekemîn bû. Bi vê fûarê re em şanenava xwe davêjin bin gaveke din jî. Ev erdnîgariya ku yekemîn car nivîs lê hatiye nivîsîn niha bi pirtûkan re tê ba hev." Baydemîr ev gav wekî gaveke di asta şoreşê de bi nav kir, da zanîn ku xwendekar bêyî sînor hebin bi nivîskar û pirtûkan re têne ba hev û ev yek lê zêde kir: "Her sal em diçûn Stenbolê. Her ku em vedigeriyan pirtûkhezên amedî, dostên me ji me dipirssiyan 'Çima ev li Amedê li dar nakeve'. Ez vê kêfxweşiya ku me soza xwe anî cih bi her kesê eleqedar re par ve dikim."
Baydemîr cezaya ku li berpirsê karên nivîsaran ê rojnameya Azadiya Welat hatiye birîn jî bibîr xist, da zanîn ku fikir, nasnameya etnîkî raman çi dibe bila bibe hemû nivîskar, rewşenbîr û ramanweran di girtîgehê de divê di kurtedemê de bigihên azadiya xwe.
Şaredar Baydemîr li ser kurdî û tirkî jî wisa got: "Em dizanin hemû zimanên dinyayê bi ser siyasetan re ne û bi a
wayekî bê sînor, bi hêza wêjeyê a rast demokrasiya xwe ya azad û xweser afirandiye. Ez bawerim tirkî û kurdî di asta gelan de xwe bi rêya wêjeyê dikare azad bike. Ji ber vê yekê, 'ez qurbana destên ku pênûsê digirin' bim, hem bi kurdî binivîsin, hem bi tirkî. Tiştên me bi kurdî nivîsandin wergerînin tirkî, tiştên bi tirkî nivîsandin wergerînin kurdî û em her duyan bi hev re bixwînin. Ji bo azadbûnê emê kedê bidin hev."
Serokê Lijneya Şêwirmendiyê ya Fûarên Pirtûkan a TUYAP'ê Dogan Hizlan jî axaftineke kir. Paşê Baydemîr û Hizlan di standa Komeleya Nivîskarên Kurd de metna azadî ji bo Vedat Kurşun îmze kirin. Nivîskar Migirdîç Margosyan jî li standa Weşanên Arasê pirtûka xwe "Kurdan" îmze kir û da Baydemîr.
Fûara Amedê ku her roj di navbera saet3en 10.30- 19.30'î de vekiriye, heta 23'yê mehê li dar e. Ji ber avahiya Şaredariya Bajarê Mezin her nîv saet carekê otobus rêwîyan digirin û wan dibin fûarê, kesên bixwazin dikarin bi van otobusan herin. Her wiha çûyîna fûarê û ketina hundir bê pere ye.
***
Nûçeyên eleqedar:
- Bernameya Fûara Pirtûkan a Amedê eşkere bû
.jpg)
