Diyarname
Kom û Mîr Muzîkê du albumên nû pêşkêş kirin. Ji van Kawa bi "Şeng"ê, Canê jî bi "Evîn"ê derket pêşberî hezkiriyên xwe.

"Şeng" e û reng e

Yek ji hunermendên navdar ê kurd hunermend Kawa ye. Kawa vê carê bi albuma xwe ya nû "Şeng"ê silav li hezkiriyên xwe kir.
Kawa ku berê albumên wî yên bi navê "Ez û tu", "Taya dila", "Ava evînê" derketibûn vê carê albuma wî "Şeng" bi etîketa Kom û Mîr Muzîkê derket.
Piraniya stranên di albumê de gotinên wan aîdê Kawa ne. Ji wan Dîlber straneke gelêrî ya aliyê Mûşê, Gewrê ya Anatoliya Navîn e ku Nedim Dag berhev kiriye, Rastî ê Şiyar Agirî û strana Delal jî bi şanenava Haydar Işik û Şiyar Munzur di albumê de cih girtiye. Her wiha strana "Xozge" ji Deron, strana "Ez xeriya me" jî ji herêma Serhedê ye û ji dengbêj Zahiro û Marûf hatiye girtin.
Di albumê de ev 13 stran cih digirin:  Rastî, Amed, Manalime, Can Kurdistan, Sebra me nema, Ez xêriya me, rûken, Perî, Gewrê, Xozge, Delal, Mordem û Dîlber.

"Evîn"eke din hat

Hunermend Canê jî vê carê gotiye "Evîn". Di "Evîn"ê de 11 stranên bi navê Evîn, metê, Newroz, Eman eman, Lê anê, Delîla, Na na, Lê gidyê, Dilêm, Diloy loylo, Lo mîro cih digirin.

Di albumê de çar stran gotinên wê aîdê Canê, yen din yek jê aîdê Seroy Biro û yên din jî stranên gelêrî ne.
Hunermend Canê heta niha bi navê Rê Wayê, Lê lê Dayê, Hozanê Kurdî, Eşqa Welat, Wezîrê Min, Dîlana Dila, "Vegere" heft album derxistibû û niha albuma xwe ya heştan "Evîn" pêşkêşî hunerhezan kir.