Diyarname
Nivîskar Mem Mîr ji bo şaredartiya Erxeniya Amedê serî li DTP'ê da û pêşberendamtiya xwe eşkere kir.

Mem Mîrxan ku di nasnameyê de navê wî Muharrem Cebe ye û hê jî li Şaredariya Bajarê Mezin a Amedê karê xwe didomîne. Mîrxan ji bo wî wekî berendamê Şaredariya Erxenî nîşan bidin serî li komîsyona hilbijartinê ya DTP'ê da.

Mîrxan di sala 1968'an de li gundê Xidraniyê ku girêdayî navçeya Amedê ya Erxeniyê ye hatiye dinê. Dibistana seretayî li heman gundî, dibistana navîn li gundê Gîsgîsê ku sê gund ji Xidraniyê wê de bû xwendiye. Dibistana amadehiyê li Erxeniyê xwendiye û piştre jî mafê xwendinê li Zanîngeha Dîcleyê beşa mamostetiya zarokan bi dest xistiye û xwendiye.
Mîrxan, piştî 13 salên mamostetiyê ku li gundê Başkoy (Dîgor a Qersê), gundekî navçeya Karapinar a Konya, gundê Şukurlî ya navçeya Çinarê ya Amedê û hwd, ji ber ku rêveberê Sendîkaya Mamosteyan (Egitim Sen) surgûnî Osmanelî ya bajarê Bilecîkê hatiye kirin.

Piştre derbasî Şaredariya Mezin a Amedê bûye û bû serokê daîreya karker û karmendan, di sala 2004'an de jî serokê daîreya parastina hawirdorê kiriye.

Mem Mîrxan di kovara qerfî Pîne, rojnameya heftane Welat, Welatê Me, Hîwa û gelek malperên kurdan de bi kurdî nivîsî.
Nivîskar Mîrxan ku di sala 2003'yan de di Azadiya Welat de dest bi qunciknivîskarî kir, hê jî di Azadiya Welat de qunciknivÎskariya xwe didomîne. Mîrxan demekê edîtoriya kovara W jî kir.

Hê he diyar e dê DTP Mem Mîrxan wekî berendam nîşan bide yan na lê em wekî edîtoriya Diyarnameyê ji bo ku Mîrxan bala wî li ser kurdî ye, nivîskarekî kurdan e û em jê bawerin ku dê bikaribe vî karî bi rehetî bike em piştgiriya xwe ji bo Mîrxan eşkere dikin.