Diyarname
Festîvala Fîlman a Navneteweyî ya Stenbolê ji bo Pêşbaziya Neteweyî li benda fîlman e. Roja dawî ya beşdariya pêşbaziya festîvalê 9'ê reşemiyê ye. Îsal belgefîlmên metrajdirêj û fîlmên anîmasyonî jî dikarin beşdarî pêşbaziyê bibin.

28'emîn Festîvala Fîlman a Navneteweyî ya Stenbolê îsal di navbera 4-19'ê avrêlê de li dar dikeve. Festîvalê bi daxuyaniyeke deriyê xwe ji bo Pêşbaziya Neteweyî vekir û heta 9'ê meha pêşiya me yên ku bixwazin dikarin fîlmên xwe ji bo festîvalê bişînin.

Heta niha tenê fîlmên metrajdirêj dikarîn beşdarî festîvalê bibin îsal yekemîn car fîlmên anîmasyonî û belgefîlmên metrajdirêj jî dê bikaribin beşdarî pêşbaziyê bibin. Her wiha festîvalê asta pêşketina teknolojiyê jî girtiye ber çavan, li ser vê ji bilî fîlmên 35 mm, fîlmên HD jî dê bikaribin beşdar bibin.

Îsal serokatiya juriya Pêşbaziya Neteweyî ya festîvalê hunerendê navdar Kutlug Ataman dike.Ataman li Zanîngeha Californiya ya Los Angelesê perwerdehiya sînemayê dît û ew wekî sînemager û hunermend karê xwe didomîne. Heta niha wî derhêneriya fîlmên wekî  “Karanlik Sular”, “Lola & Bilidikid” û “Îki Genç Kiz” kiriye.

Di Pêşbaziya Neteweyî de xelata Derhênerê Herî Serketî û Fîlmê Herî Serketî bi hevkariya Wezareta Çandê dê 50 hezar TL bê dayîn. Dîsa Wezareta Çandê ji bo Lîstikvana Herî Serketî û Lîstikvanê Herî Serketî her yek 10 hezar TL xelat bide.
Li gor guherîna dawî ya di rêziknameya festîvalê de îsal yekem car di beşa Pêşbaziya Neteweyî dê xelatên Senaryoya Herî Serketî, Dîmena Herî Serketî û Muzîka Herî Serketî de jî bê dayîn.
Xelata FIPRESCI ku ji bo bîranîna Onat Kutlar jî tê dayîn peredayîna wê Efes Pilsen digire ser xwe. Di vê beşê de ji bo fîlmê xwe yê bê de bikar bîne xelata 30 hezar USD tê dayîn.

Kesên bixwazin serî lê din dikarin forma serîlêdanê ji malpera www.iksv.org/film an jî ji navenda festîvalê bi dest bixin.