Diyarname

Li Erdîşa Wanê bi îmzeya Rêxistina HDP'ê ya Wanê daxuyaniyên sexte hatin belavkirin. Di daxuyaniyên ku ne yên HDP'ê ne de, hin kesên navnediyar bi awayekî veraşî belav dikin û tê wisa gotin: "Ji bo dersa olî ya mecbûrî bê rakirin dengan bidin HDP'ê", "Ji bo girtina Diyanetê dengan bidin HDP'ê", "Ji bo azadiya ji bo nêremoyan dengan bidin HDP'ê", "Ji bo zilam bikaribin bi hev re bizewicin dengan bidin HDP'ê", "Ji bo mirov bikaribe bibêje qibleya misilmanan Kabe ne, yê HDP'yiyan jî Taksîm e dengan bidin HDP'ê"

Li gor nûçeya di rojnameya Bugunê de daxuyanî bi erebeyek markeya Fiat a reng sipî û bi bisqilêtan hatine belavkirin.

Endamê rêxistina HDP'ê ya Wanê Necmi Kalçik li ser vê yekê wisa got: "Em daxuyaniyên xwe eşkere belav dikin. Em bi awayekî veşarî belav nakin. Ev daxuyanî ji bo manîpulekirinê hatine belavkirin. Berê 7'ê Pûşperê bi rojek dîsa wisa daxuyanî hatibûn belavkirin. Me ew kom kiribûn. Her wiha yên belav kiribûn me qufaltin û teslîmê emniyetê kirin lê encamek derneket holê. Di hilbijartina borî de alîgirên AKP'ê ev yek kiribû. Vê carê jî AKP'ê û alîgirên wê wisa kirine. Li vir ji bilî AKP'ê tu reqîbê me nîn e. AKP ji bo me xirab nîşan bide broşurên ku ne ên me ne belav dike. AKP vê dike. Emniyet li pişt wan e, her wiha YSK jî li pişt wan e."

Xebatkarê beşa paqijiyê ya Şaredariya Erdîşê Zafer Yigit jî gotiye dema bi şev paqijî dikin dîtiye ew belavok ib erebeya sipî û bi bisqilêt hatine belavkirin û wisa gotiye: "Pêşî min got qey belavok ên HDP'ê ne. Ji ber ku dema dûr ve mirov lê dinêre wekî yên HDP'ê dixuyin. Dema min girt li pişt wan nêrî min ew gotinên xirab dîtin. Min fêm kir ku ev sextekariyek e û min ew kom kirin û birin HDP'ê."