03.00:
Hollande çû cihê bûyerê
Serokomarê Fransayê François Hollande çû cihê bûyerê. Hollande li nêzî Bataclan axivî. Holland wekî hejmara miriyan texmîna polîsan wekî 118 ragihand û got ku bêyî em merhemedê nîşan bidin emê bi ser êrîşankaran de herin.
Di vê navberê de Dozgeriya Parîsê ragihand ku hejmara miriyan gihîştiye 120'î.

Saet: 02.30
AFP: 4 êrîşkar hatin kuştin
Diyar bû ku li 7 cihên li Parîsê êrîş çêbûye. Yek ji van êrîşa întîxariye. Di destpêkê de qala 3 êrîşan dihat kirin. Li gor vê saetê jî hê bi awayek fermî diyar nebûye çend kes hatine kuştin lê qanalên televîzyonên ên Fransiz "N20" û "France 24" ragihandin ku li dor 140 kuştî hene.
Her wiha AFP'ê ji çavkaniyên polîsan ragihand ku 4 êrîşkar hatine kuştin.

Saet 02.30:
1500 leşker li kuçeyên Parîsê ne
Kanala France 24 li ser agahiya ku ji Wezareta Karên Hundir a Fransayê girtiye, ji bo ewlehiyê 1500 leşker li kuçeyên paytexta Fransa Parîsê hatine bi cih kirin. 

Saet 02.20
N20: 140 kuştî hene
Televîzyona fransiz N20 wekî nûçeya dawî ragihand ku li salona konserê herî hindik 100 kes, bi giştî herî hindik 140 kes hatine kuştin. 

Saet 02.15:
Kanalên televîzyonên Fransayê qala kuştina 100 kesî tê kirin. Bi awayekî fermî hê tu agahî nîn e.

Saet 02.00:
Ban Ki Moon êrîş şermezar kir
Sekreterê Giştî yê Neteweyên Yekbûyî Ban ki Moon bi rêya berdevkê xwe daxuyaniyek weşand û got, "Ez êrîşa terorîstî ya li Parîsê şermezar dikim". Moon her wiha ji bo malbata kesên hatine kuştin sersaxî xwest û ji bo birîndaran jî hêviya şîfayê kir. 
Serokomarê Tirkiyeyê Recep Tayyip Erdogan jî daxuyaniyek da û êrîş şermezar kir.
Berdevkê Kremlîna Rusyayê Dimitri Peskov daxuyaniyek da, êrîş şermezar kir û êrîşkar wekî "kujerên nemirov" bi nav kir.

Saet: 01.50:
Dîl hatin rizgarkirin
Kesên dîl hatibûn girtin, bi operasyona hêzên ewlehiyê hatin rizgarkirin. Du êrîşkarên terorîst hatin kuştin. Hê derbarê kuştiyan de agahiyek berfireh nehatiye dayîn. 
Her wiha li gor agahiyên nû li 5-6 cihan êrîş çêbûye.

Saet 01.45: 
Holland nayê Tirkiyeyê

Serokdewletê Fransayê François Hollande ji bo Civîna G20 dê bihata Tirkiyeyê lê ji ber vê bûyerê hatina xwe betal kir û ragihand ku dê neyê.

***  

Vê êvarê saet li dor 23'yan li Parîsa Fransayê sê êrîş pêk hatin, qala kuştina 60 kesî tê kirin.

Li gor nûçeya AFP'yê êrîşa yekemîn li nêzî avahiya Charlie Hebdo (ku îsal rastî êrîşê hatibû) li restorant Rue Bichat pêk hat. Şahidek dibêje herî hindik 100 gule reşandin. Dûre li nêzî Stade de France sê teqîn çêbûn. Di van êrîşan de li gor agahiyek yek ji van êrîşan de êrîşa întîxariye. Di vê demê de di navbera Fransa û Almanya de maça dostaniyê dihat lîstin û Serokomarê Fransayê Hollande li stadê li maçê temaşe dikir. Bi bihîstibû bûyerê re Hollande ji maçê derket.

Li gor Reutersê li nêzî restorantê li salona konser Balathanê dîl hene. Li Balathanê konsera rockê hebû. Şahidek ji bo radyoya Info France axiviye û gotiye dema êrîşê de wekî "Ellah û ekber" qîriyaye. 

Hollande: Emê hêza Fransayê nîşanî wan bidin 

Hollande daxuyanî da çapemeniyê, bi zorê diaxivî, qala gelek mirî û birîndaran kir, got ku hemû sînorên Fransayê hatin girtin. Hollande qala rewşek awarte kir, diyar kir ku ji bo Civîna Kişwerê ku sibê dê çêbiba dê sînor bihata girtin lê ji ber vê bûyerê ji niha de sînor hatine girtin. Hollande diyar kir ku ew dê hesabê vê bipirsin, hêza Fransayê nîşanî wan bidin.

Hollande ferman da artêşê ku kuçeyan biparêze. Piştî vê fermanê leşker daketin kolanan. 

Gelek ambulans çûne cihê bûyerê. Li stadê ku maç lê bû jî ji bo ewlehiyê temaşevan daxistin nav sehaya.  

Şaredariya Parîsê gel hişyar kir ku ji malên xwe dernekeve. 

Obama: Em ligel Fransayê ne

Serokdewletê DYA'yê Barack Obama li ser bûyerê daxuyanî da û got ku li hemberî terorê em ligel Fransayê ne, çi ji destê me bê emê bikin.