22.00
Reutersê agahî ji rayedaran girtiye û dibêje ku hejmara miriyan derketiye 32'yan. Lê televîzyonên tirk hê jî dibêjin hejmara miriyan 27 e.
 

21.05:
Sekretera Giştî ya Odeya Tabîban Ebru Basa: Li gor agahiyên ber destên me 105 birîndar hene.
 

20.55:

HDP: Em êrîşa bombeyî şermezar dikin

HDP'ê li ser êrîşa bombeyî ya li Enqereyê daxuyaniyeke nivîskî weşand û bûyer şermezar kir. Em vê êşê perve dikin. Ji bo kesên mirine em ji Xwedê rehmet, ji bo birîndaran jî şîfaya xêrê dixwazin.

20.10:

Walîtiya Enqereyê daxuyanî weşand û got ku niha 25 kesî jiyana xwe ji dest daye û 75 kes jî birîndar in.

20.00:

Birîndar rakirine 10 nexweşxaneyan. 

Tê gotin ku otobusek dema nêzî otobusek şaredariyê bûye teqiya ye. 

19.45:
Lijneya Bilind a Radyo û Televîzyonê biryara qedexeya weşandina li ser agahiyên bingehîn ên bûyerê da. Li gor vê divê dîmenên birîndaran, dîmenên cihê bûyerê neyê weşandin.

19.30
Qala mirina 5 kesan tê kirin, hê agahiyek zelal nîn e. Saziyên fermî jî tu agahî hê nedaye.
 

19.00:

Hê rayedaran tu agahiyek fermî neweşandiye, lê ambûlans û îtfaiye çûne cihê bûyerê. Birîndar hene. Gelek erebeyên li cihê bûyerê zerar dîtin.

18.45:

Li Enqereyê, li Kizilay ku cihê herî qelebalix ê Enqereyê ye saet li dor 18.45 teqîn çêbûn. Hin dibêjin du teqîn çêbûne, hin qala teqînek dikin, hê agahiyên zelal nîn in.

**

REKLAM
- Ji Kurt Tarîhî 'Kurd û Kurdistan'