Diyarname

Tûrnûvaya Şampiyoniya Fûtbolê ya Ewropayê (Euro 2016) li Fransayê di bin siya grev, protesto, ji ber tirsa êrîşa terorîstî bi ewlehiya mezin dest pê kir.

Îsal yekemîn car bi 24 tîman tûrnûva dest pê kir û heta 10'î tîrmehê dê bidome. Lê li Fransayê ji ber hikumetê di zagona xebatê de guherî çêkirin grev dest pê kirin ku birin û anîna rêwiyan jî têde di gelek waran de grevan dest pê kir. Ji ber vê di seferên trênên bilez de sedî 20 daketin çêbû. Li Saint-Denis ku maça destpêka tûrnûvayê dê li dar biketa bi şev setef heta yekê jî daketin. Li gelek cihan bi deh hezaran fransî protesto li dar xistin.

Di vê navberê de sendîkayê ragihand ku dê heta 14'ê mehê grev bidomin.Li ser vê Air France ragihand ku ew jî beşdarî grevê dibin û sibê dê ji sisêyan yekê seferên xwe betal bike. Ajokarên teqsiyê gotin ku roja sêşemê  (14'ê mehê) ew dê çalakiyek mezin li dar bixin.

Karkerên paqijiyê jî ragihandin ku wan greva xwe heta sêşemê dirêj kiriye.

Hollande: Emê tevdîran bigirin

Di vê navberê de Serokomarê Fransayê François Hollande ragihand ku ji bo Euro 2016 nekeve bin bandora van grevan ew dê hemû tevdîran bigirin û wisa got: "Ez bang dikim ku her kes hesta xwe ya berpirsiyarî pêk bîne, ger dewlet mecbûr e peywira xwe bîne cih emê hemû tevdîran bigirin. Kesên di grev û çalakiyan de cih digirin jî bila peywira xwe bînin cin."

Ligel vê daxuyaniyê jî li welat her ku diçe asta grev û çalakiyan bilindtir dibe.

Di vê navberê de par 13'yê sermawezê de êrîşek li Parîsê pêk hatibû û 130 kes di êrîşê de miribûn. Piştî vê ewlehiyên mezin hatibûn girtin ew ewlehî ji bo Euro 2016'an hê xurtin kirin. Di vê çarçoveyê de li 10 bajaran 90 hezar polîs û leşker dê kar bikin.

Lehî rabû, Parîs di bin avê de ma

Ev ne bes bûn ji ber ku gelek baran bariya Çemê Seine asta wê bilind bû û paytexta Fransayê Parîs dibin avê de ma. Di vê encamê de Muzeya Louvre jî di nav de hin saziyên çandî hatin girtin, kesên bêmal girtin bin ewlehiyê. Niha dikin ku xirasa lehiyê ji holê rakin.