Enqere

Komeleya Çand û Hunerê ya Anka (Anka-Der) ku ji bo parastin û pêşxistina ziman û çanda kurdî wê çalakiyan li dar bixe, hat vekirin.

Komeleyê li Kiziliya Enqereyê bi merasime vekirina xwe ragihand. Mebûsê Partiya Demokratîk a Gelan (HDP) yê Bedlîsê Celadet Gaydali, Hevserokê Kongreya Demokratîk a Gelan (HDK) ya Enqereyê Alî Îmran Daşkaya, Hevserokê HDP'ê yê Enqereyê Vezîr Coşkun Parlak, Hevseroke Komeleya Mafê Mirovan (ÎHD) a Şaxa Enqereyê Fatîh Kanat, Dayikên Aştiyê, nûnerên rêxistinên sivîl di merasîma vekirinê ya komeleyê amade bûn. Di axaftinên ku di merasîmê de hatin kirin bal kişandin ser girîngiya axaftina bi hemû zaravayên kurdî.

Serokê damezrîner ê Anka-Derê Kemal Mûkremîn Barût axivî û bal kişand ser polîtîkayên asîmîlasyonê yên bi sedan sal in li ser zimanê kurdî tê meşandin û diyar kir ku ew ê li Anka-Derê kursên ziman û hunera kurdî li dar bixin.

Merasîma vekirina komeleyê bi xwendina helbest, dengbej û awazên kurdî bi dawî bû.