Diyarname

Nivîskar Bavê Nazê di sala 1946’an de li gundê Kucuka li Mêrdînê ye ji dayika xwe bûye. Di sala 1953’yan de  ew çûye Binxetê (rojavayê Kurdistanê) û li bajarê Amûdê (mala birayê wî yê mezin li wir bû) bi cih bûye û li wir dest bi xwendina xwe ya seretayî kiriye.

Bavê Nazê di sala 1957’an de mala xwe bi temamî biriye Binxetê, destpêkê li Amûdê maye û dûre mal biriye bajarê Hesekê û li wir xwendina lîsê di sala 1967’an de biriye serî.

Ew di sala 1969’an de ji bo xwendinê çûye Sovyetê û sala 1980’ê de li Zanîngeha Moskova ya dewletê teza xwe ya doktoriyê pêşkêş kiriye.

Di sala 1977’an de li gel rehmetiyê Rezo û Dr. Mihemed Ebdo Elnecarî û Saduddîn Mela wan “Rabîtet Kawa lîlseqafe Elkurdiye”-Kombenda Kawa Ya Çanda Kurdî- damezirand. 

Li welatên cur bi cur berhemên wî di sê waran de hatin weşandin: Werger, amadekirin, afirandin.

Bavê Nazê di nav kurdan de yek ji girîngtirîn nivîskarên çîrok û romanê ye.

Pirtûkên Bavê Nazê yên hatine weşandin ev in:

Wergerên wî:

1- Îstişhad albetel alkurdî, Fiyodor Lîtkîn sala 1977 bi zimanê erebî

2- Alcîbal we alsîlah li gel Dr. Ebdî Hacî – 1978

3- Intîfadet alşeyix Seîd  1981 ya nivîserê wê Hisiretiyan.

4- Nehdet alkrad alqewmiye we alseqafiye 1985 Celîlê Celîl

5- Kurdistan ma beyine alherbeyin li gel Dr.Seadedîn Mela 1988

6- Berzanî we şehadet altarîx li gel Dr.Ebdî Hacî 2004

7- Pêşeka dîroka Kurdistanê ya mela Mehmûdê Beyazîdî 2009 bi zimanê kurdî

8- Qelawiz-şanoya Xoxol(nehatiye weşandin) bi zimanê kurdî.

9- Îzop –şano(nehatiye weşandin) bi zimanê kurdî.

Pirtûkên ku amade kirine û weşandine:

1- Rêzimana kurdî bo zaroka sala 1996

2- Têwriya edeb- ji bo şagirtên zankoyê- zankoya Duhok 2010

3- Dîroka edeba Yunanî ya kevnar 2010

4- Dîroka edebê romanî birgê 2 sala 2013

5- Dîroka edeba serdema navîn û vejînê birgê 3 sala 2013

6- Edeba sedsala 17-18 birgê birgê 4 sala 2013

7- Edeba sedsala 19-20 birgê 5 sala 2013

8- Rêzimana kurdî (têwrî û piratîk) sala 2013

9- Ferhenga tîrmên wêjeyî sala 2013.

Afirandinên wî:

1- Hêsir û baran-kurteçîrok-1985

2- Çiyayên bi xwînê avdayî-roman-1978 bi zimanê erebî, 1981 bi zimanê rûsî- 1988 bi zimanê kurdî.

3- Stokholmê te çi dîtiye bêje – roman -1987

4- Govenda li ber mirinê - çîrok -1996

5- Miriyê heram-kurteroman-2009

6- Dara pelweşiyayî-roman-2011

Lêkolînên wî:

1- Çi bi Kurdistana sor hat?

2- Ber bi zimanekî yekbûyî ve.

3- Roman çi ye.

4- Ehmedê Xanî-weku pêşek di dîwana wî de hate weşandin.