Diyarname
Hewldana weşana pirtûkên kurdî û yên li ser kurdan didome. Vane sê pirtûk:

Rêzimana Kurmancî

Heta niha gelek pirtûkên li ser rêzimana kurmancî derketin. Niha yeka din li wan zêde bû: Rêzimana Kurmancî.
"Rêzimana Kurmancî" ji Aliyê weşanên Enstîtuya Kurdî ya Amedê ve hatiye derxistin. Pirtûk ji aliyê mamosteyên Kurdî-Dera Amedê Mikaîl Bilbil û Bahoz Baran ve hatiye amadekirin.
Di pirtûkê de meseleya rêzimana kurmancî hatiye pêşkêşkirin û mijarên wekî wateyên peyvan, lêkernav, hêmanên hevokê, cureyên hevokê, şaşiyên vegotinê li rêzimanê hatine zêdekirin.

***

Giyanên Bahozî

Nivîskar Mîr Qasimlo duyemîn pirtûka xwe derxist. Pirtûka Qasimlo bi navê "Giyanên Bahozî" ji Weşanên Do derket.
Mîr Qasimlo ku di sala 1980'yî de li Gimgima Mûşê hatiye dinê û niha li Almanyayê dijî par bi navê "Wêneyên Keserê" (Weşanên Perî) romaneke wî derketibû û îsal jî romana "Giyanên Bahozî" derxist.
Qasimlo di romanê de ala evînê bilnd dike, xwendevanan radike reqsê.

Ji bo beşek ji romanê, bitikînin: "Romana Giyana Bahozî tê"

***

Xanî û Newroz

Heta niha li ser Ehmedê Xanî gelek berhem hatine nivîsandin, gelek nîqaş hatine kirin. Niha pirtûkeke din derket bi navê "Xanî ve Newroz". Pirtûka ku ji Weşanên Enstîtuya Kurdî ya Stenbolê derketiye û ji aliyê H. Mem ve hatiye nivîsandin meseleya Newrozê ji aliyê Xanî ve digire dest.
Di Newroza îsal de Midûriyeta Giştî ya Enformasyon û Çap-Weşanê ya Serokweziriya Tirkiyeyê li ser Newrozê bi navê "Turk Dunyasinda Nevruz ve Nevruz Gelenegi" (Di cîhana tirkan de Newroz û kevneşopiya Newrozê) berheme amade kir. Berhema ku  bi tirkî, îngilîzî, fransizî, almanî, rusî, yewnanî, erebî û farisî hate amadekirin mixabin têde kurdî nîn bû û Newroz jî wekî cejna xwe nîşan dabû.
Berhema H. Mem "Newroz ve Xanî" di heman demê de dikare wekî bersiveke vê pirtûka serokweziriyê jî bê hesibandin.

H. Mem di vê xebata xwe de li ser Newrozê radiweste û li bersiva pirsên mîna sedema qewimîna Newrozê, mebest û wateya wê, aîdê kê ye, çima Xanî mehneyeke taybet dide Newrozê digere disekine û di dawiyê de tesbîtên balkêş pêşkêş dike.
Newroz ku gelek çavkanî wê dispêrin mîtolojiya di Şehnameya Fîrdewsî, lê H. Mem rexneyên giran li vê yekê dike û vê yekê berevajî dike.